Ҳиндистонда аҳвол даҳшатли: Касалларга ҳам, ўликларга ҳам жой йўқ - foto va video koronavirus dunyo yangiliklar

Ўликлар шунчалик кўплигидан улар ҳатто оммавий ёқилмоқда

Сурат манбаси, Reuters

Сурат тагсўзи, Ўликлар шунчалик кўплигидан улар ҳатто оммавий ёқилмоқда
Ўқилиш вақти: 2 дақ

Ҳиндистонда аҳвол даҳшатли: Касалларга ҳам, ўликларга ҳам жой йўқ. Мамлакат коронавируснинг учинчи тўлқинига дош беролмаяпти. Шунчалик кўп жасад ёқилганидан крематорийлар ишдан чиқаётганига оид хабарлар бор.

Хабарларга кўра, касалхоналарнинг жонлантириш бўлимлари тўлиб кетган, дори-дармон ва кислород тақчил, бори ҳам бир зумда тугаб кетмоқда.

Касалхона ва крематорийлардан олинаётган кўплаб фотосуратлар ҳам аҳволнинг ўта абгор эканига далолат қилади.

Крематорийлар танг аҳволда қолган, улар ўликларни эплай олишмаганидан, жасадлар ҳатто кўчаларда ёқилаётганига оид хабарлар бор.

Ўтказиб юборинг YouTube пост
Google YouTube контентига рухсат бериш

Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.

Огоҳлантириш:Учинчи манба материалида реклама бўлиши мумкин

Охири YouTube пост

Давлатнинг расмий статистикасига ишонмаётган журналистлар эса, крематорийларда ўз ҳисоб-китобларини олиб боришмоқда.

Агар, уларнинг маълумотларига таянилса, Ҳиндистон шаҳарларида коронавирусдан ўлганларнинг сони расман айтилаётганидан 10 баробар кўп.

Ўтган ҳафта эса, шунчалик кўп жасад ёқилганидан, Сурат шаҳридаги крематорий трубаси қисман эриб тушганига оид хабарлар ҳам олинган.

Расмийлар ўлим ҳолларига оид аниқ статистикани эълон қилишга ҳалича шошилишаётгани йўқ.

Skip Энг кўп ўқилган and continue reading
Энг кўп ўқилган

End of Энг кўп ўқилган

Мумбайда коронавирус қурбонининг қариндоши махсус ҳимоя кийимида куйдириш маросимини кутмоқда
Сурат тагсўзи, Мумбайда коронавирус қурбонининг қариндоши махсус ҳимоя кийимида куйдириш маросимини кутмоқда
Деҳлидаги крематорий. Одамлар ўз яқинлари билан сўнгги бор видолашиш илинжида

Сурат манбаси, Reuters

Сурат тагсўзи, Деҳлидаги крематорий. Одамлар ўз яқинлари билан сўнгги бор видолашиш илинжида
Журналистларнинг уқтиришларича, ўлимлар сони расман айтилаётганидан бир неча баробар кўп

Сурат манбаси, Reuters

Сурат тагсўзи, Журналистларнинг уқтиришларича, ўлимлар сони расман айтилаётганидан бир неча баробар кўп
Ҳиндистоннинг пандемиядан энг кўп зиён чеккан шаҳарларида жасадларнинг куну тун ёқилаётгани айтилмоқда

Сурат манбаси, SUMIT KUMAR

Сурат тагсўзи, Ҳиндистоннинг пандемиядан энг кўп зиён чеккан шаҳарларида жасадларнинг куну тун ёқилаётгани айтилмоқда
Мумбайдаги крематорийда яна бир жасад ёқилмоқда

Сурат манбаси, EPA

Сурат тагсўзи, Мумбайдаги крематорийда яна бир жасад ёқилмоқда

"Ҳалокатли эслатма"

Айниқса, пойтахт Деҳлида аҳвол жуда оғир экани айтилмоқда.

Хабарларга кўра, у ерда одамлар кислород етишмаслигидан ўлиб кетишмоқда.

Жаҳон Соғлиқни сақлаш ташкилотининг баён қилишича, Ҳиндистондаги бугунги аҳвол коронавирус нималарга қодир эканининг яна бир "ҳалокатли эслатмаси"дир.

Деҳлида Ҳиндистондаги энг зўр касалхоналар жойлашган. Аммо ҳозир улар барчасининг жонлантириш бўлимларида деярли жой қолмаган

Сурат манбаси, EPA

Сурат тагсўзи, Деҳлида Ҳиндистондаги энг зўр касалхоналар жойлашган. Аммо ҳозир улар барчасининг жонлантириш бўлимларида деярли жой қолмаган
Ҳиндистон пойтахтида ҳам аксарият беморлар навбатлари келишини "Тез ёрдам" машиналарида кутишга мажбур

Сурат манбаси, Getty Images

Сурат тагсўзи, Ҳиндистон пойтахтида ҳам аксарият беморлар навбатлари келишини "Тез ёрдам" машиналарида кутишга мажбур

Ҳиндистон Хитой билан бирга дунёнинг аҳолиси энг кўп иккита давлатидан биттаси бўлади.

Мамлакат аҳолиси сони ҳозир қарийб 1 миллиард 400 миллион кишини ташкил этиши кўрилади.

Агар, имконли бўлган статистикага таянилса, Ҳиндистонда ҳозирга келиб жами коронавирусга чалинганлар сони қарийб 18 миллион кишига яқинлашган.

Уларнинг 200 мингга яқини вафот этган.

Жорий пайтда кундалик кўрсаткичларнинг 300 мингдан ортаётгани кузатилади.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek