Хитойлик доктор: Расмийлар коронавирус далилларини яширган ва йўқ қилган - Koronavirus Xitoy видео
Сурат манбаси, Getty Images
Хитойда коронавирус ҳолларини ўрганган ва беморларга ташхис қўйган шифокорнинг айтишича, вирус илк пайдо бўлган жой - Ухан мулозимлари вирус тарқалишига оид ҳақиқатни беркитишган бўлиши мумкин.
Би-би-си билан суҳбатда бу ҳақида билдирган профессор Квок-Юнг Юэннинг ишонишича, маҳаллий амалдорлар эпидемия бошланиш палласида ҳақиқий аҳволни хаспўшлашган.
Хитойда коронавирус ҳақидаги қайси ҳақиқат яширилган? Видео:
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Ухандаги аҳволни текширишда қатнашган шифокорнинг урғулашича, бу борадаги далиллар йўқ қилинган ва юзага келган ҳолатга қарши жавоб чоралари жуда секин кечган.
"Биз Ухан бозорига борганимизда, у ерда ҳеч нарса кўзга ташланмасди. Чунки бозор аллақачон тозалаб қўйилган эди" - деган профессор.
"Шу боис биз вирус одамларга қаердан юққанини билолмадик".
Унинг гумон қилишича, Уханда маҳаллий доирада ҳақиқатни яшириш йўлида ҳатти-ҳаракатлар қилинган.
"Зудлик билан маълумотни бериши керак бўлган маҳаллий мулозимлар бу ишни чин дилдан қилишмади".
Хитой коронавирус тарқалган илк паллаларда етарлича ҳаракат қилмаган, деб танқидга тутилади.
Хусусан, ўтган декабрь ойида янги вирус ҳақида ўз ҳамкасбларини огоҳлантиришга интилган хитойлик шифокор жазоланган ва полиция унга жим юришни айтган.
Доктор Ли шундан кейин коронавирусни юқтирган ва оламдан ўтганди.
Бироқ Хитой расмийлари коронавирус тарқалган кезлари вируснинг қақшатқичлиги ҳақидаги маълумотларни яширмаганини айтиб, айбловларни рад этади.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
