Россия: Европада тарқалган радиация бизнинг АЭСники эмас Rossiya AES

An aerial view of the Leningrad Nuclear Power Plant in the town of Sosnovy Bor on the southern shore of the Gulf of Finland

Сурат манбаси, Getty Images

Сурат тагсўзи, Россия расмийларига кўра, Ленинград АЭСи нормал фаолият юритаяпти
Ўқилиш вақти: 1 дақ

Ўтган ҳафта Финландия, Норвегия ва Швециядаги ядровий хавфсизлик ташкилотлари атмосферада меъёрдагидан юқори радиоактив изотопларни аниқлаганлари ҳақида хабар тарқатдилар.

Нидерландия жамоат саломатлиги эълон қилишича, олинган намуналарни ўрганиб чиқиш асосида материал "ғарбий Россия йўналишидан келганига" ишонч ҳосил қилганлар.

Бу АЭСдаги бузилиш аломати бўлиши мумкинлигини тахмин қилган.

Бироқ Россиянинг ядровий энергетикага масъул ташкилоти баёнот тарқатишича, Болтиқбўйидаги икки атом электр станцияси - Ленинград АЭСи ва Кола АЭСи одатдагидек иш юритаяпти ва радиоактив материал сизиб чиққани ҳақида маълумот йўқ.

"Ускуналарнинг ишлаши устидан бирор шикоят бўлгани йўқ. Юқорида тилга олинган вақт давомида барча изотопларнинг ҳавога чиқарилиш эмиссияси меъёрий рақамлардан ошмаган", дейилади Росэнергоатом ТАСС ахборот агентлиги тарқатган баёнотда.

"Икки атом станциясидаги радиация даражаси июн ойида ўзгаришсиз қолган", деган Росэнергоатом.

Ядровий синовларни ҳар томонлама тақиқлаш шартномаси ташкилоти (CTBTO) ижрочи котиби Лассина Зербонинг 26 июн куни Твиттерда ёзишича, ташкилотнинг Стокголмдаги мониторинг станцияси уч изотоп - цезий-134, цезий-137 ва рутений-103 миқдорларининг меъёрдагидан баланд эканини қайд этган, бироқ бу даражалар инсон саломатлиги учун зарарли эмас.

Ўтказиб юборинг X пост
X контентига рухсат бериш

Айни мақолада X томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз X ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.

Огоҳлантириш:Учинчи манба материалида реклама бўлиши мумкин

Охири X пост

Лассина Зербога кўра, радиоактив парчалар 22 ва 23 июн кунлари қайд қилинган.

Skip Энг кўп ўқилган and continue reading
Энг кўп ўқилган

End of Энг кўп ўқилган

Нидерландия Жамоат саломатлиги ва атроф-муҳит миллий институти тахмин қилишича, ядровий материал тузилиши "атом электр станциясидаги ёқилғи унсуридаги шикастланишдан дарак бериши мумкин.

- БМТнинг Халқаро Атом Энергияси агентлиги 28 июн куни баёнот тарқатган ва сўнгги янгиликлардан хабардорлигини, аъзо мамлакатлардан кўпроқ ахборот истаётганини маълум қилган.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek