Америка полицияси шафқатсизлиги дунёни ларзага солмоқда
Америкада полициянинг шафқатсизлиги аксланган бир неча видеолар тарқалган.
Қора танли америкалик Жорж Флойд полиция томонидан ўлдирилар экан, деярли бутун мамлакат бўйлаб норозилик намойишлари бошланган.
Полициянинг намойишчилиларга қарши шафқатсизлиги айнан мана намойишларда кўзга ташланган.
Буффалода бир қарияни итариб йиқитган икки полиция аъзоси ишдан четлатилган.
Нью Йоркда эса полиция қочиб кетаётган намойишчиларга шафқатсизлик қилгани туширилган видео тарқалган.
Бу хабарлар тарқашидан аввал Миннеаполисда Жорж Флойд хотира маросими бўлиб ўтган.
Қора танли америкалик айнан шу шаҳарда полиция томонидан ўлдирилганди.
Унинг ўлдирилиши ҳам видеога туширилган ва бу мамлакатда ирқчиликка қарши йирик норозилик чиқишлари бошланиб кетишига сабаб бўлганди.
Кейинроқ ирқчиликка қарши норозилик чиқишлари дунё бўйлаб тарқаган.
Аксарият намойишлар тинч ўтган, аммо айримларида зўравонлик ва дўконларни талон-тарож қилиш рўй берган.
Айрим шаҳарларда эса ҳаракатлар чекланган.
Вашингтонда Оқ Уй қаршисидаги намойишни полиция қалампир ва тутун бомбалари билан тарқатган, мақсад Доналд Трампни черковда суратга тушиш маросимига юриб бориши учун йўл очиш бўлгани айтилади.
Пайшанба куни Американинг инсон ҳақлари гуруҳи - America Civil Liberties Union президент дохил бир неча мулозимларни америкаликларнинг конституцион ҳуқуқларини бузишда айблаб маҳкамага арз қилган.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Буффалода нима бўлганди? нималар кўринади?
Буффалода 75 ёшда бўлган америкалик полицияга яқинлашиб келган ва улар уни итариб юборган.
Қария ерга йиқилар экан, унинг қулоғидан қон оқа бошлайди.
Кейинроқ уни тез ёрдам машинаси олиб кетади.
75 ёшли бу америкалик бошидан жиддий жароҳат олгани айтилмоқда.
Шаҳарнинг бошқа бир бурчагида полиция намойишчиларга ҳужум қилгани, камида бир кишини ерга босиб олгани тасвирланган видео тарқалган.
Бошқа видеода эса ҳисбга олиш жараёнида, ерда боши қонаб ётган эркак гавдаланади.
АҚШ полицияси қора танлилаларга қарши ҳаддан зиёд ортиқча куч ишлатиши сўнгги йиллари кўплаб видеотасвирлардан маълум бўлган.
Рақамларга қараганда, полиция қўлида қора танли америкаликнинг ўлим топиш эҳтимоли оқ танли америкаликдан кўра уч баробар юқори.
"На қуролли, на зўравон жиноятда гумон қилинган қора танли америкаликларга қарши полиция ҳаддан ортиқ куч ишлаётганига қайта-қайта гувоҳ бўлаяпмиз" - дейди Ҳарвард университети профессори Халил Муҳаммад.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: @bbcuzbek
