Россия: Путин россиялик аёлнинг маошига яшай олмаслигини тан олди - Rossiya, O'zbekiston

Ўқилиш вақти: 1 дақ

Путин Петербург аҳолиси билан мулоқот чоғида арзимас маош ва нафақа оладиган одамларга умидсизликка тушмаслик ва касалликка чалинмасликни тилаган.

Би-би-си рус хизмати суҳбат видеоси kremlin.ru сайтидан бир соат ўтмасдан олиб ташланганига эътибор қаратган.

Аммо чоршанба куни кечроқ видео сайтда яна пайдо бўлган.

Россия: Владимир Путин қандай қилиб кичик шаҳарнинг катта қаҳрамонига айланди?

Россия, Путин: Ҳокимиятнинг 20 йили 20 суратда

Мирзиёев 'Путиннинг одами'ми?

Путиннинг матбуот котиби Дмитрий Песков видео вақтинча олиб қўйилгани ва қайта формат қилиниб, янгидан чоп этилишини айтган.

Унинг сўзларига кўра, бу одатий тажриба.

Skip Энг кўп ўқилган and continue reading
Энг кўп ўқилган

End of Энг кўп ўқилган

Путиннинг петербургликлар билан суҳбати чоршанба куни Санкт-Петербургнинг биринчи мэри, асли фарғоналик Анатолий Собчак ҳайкали пойига гулчамбар қўйиш маросимидан сўнг бўлиб ўтган.

Собчак 1990-йиллар бошида Санкт-Петербург мэри ва Путиннинг бошлиғи бўлган.

Суҳбат чоғида ўрта ёшлардаги россиялик аёл Путиндан 10 минг 800 рублга яшаб бўладими, деб сўраган ва йўқ, деган жавобни олган.

Аёл "сизнинг ойлигингиз каттароқ" деганида, Путин Россияда президентдан каттароқ маош оладиганлар борлигини айтган.

Суҳбат чоғида Путин аҳолини ижтимоий ҳимоя қилишга қаратилган давлат дастурларини эслатиб ўтган.

Ногиронлар ва 3800 рубл оладиган нафақахўрлар ҳақидаги саволдан сўнг Россия президенти одамларга умидсизликка тушмаслик ва касалликка чалинмасликни тилаган.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: @bbcuzbek