Бачабозлар туризми: Ғарблик сайёҳлар бола порнографиясини кучайтирадими? 18+
Филиппинда болалар иштирокида таҳқирловчи онлайн секс тасвирлар педофиллар истак ва талаби билан олинади.
Таҳқирланаётган болаларнинг учдан икки қисми ўз ота-онаси ёки қариндоши томонидан бу ишга ундалган.
Бу жиноий амаллар қандай ишлашини Халқаро Адолат Миссияси ташкилоти ўрганган.
Алоқадор мавзулар:
Ҳисоботга кўра, ғарбликлар филиппинлик катта ёшли одамларга айнан болалар порно фильмларини тасвирга олиб бериш учун ҳақ тўлайдилар.
Филиппинликларнинг аксар қисми яшаш учун пулга ўта муҳтож эканини иддао қилади.
Чақалоқлар ҳам педофиллар қурбони
Сурат манбаси, Thinkstock
Филиппинда ҳатто олти ойлик чақалоқлардан ҳам порнография қурбонига айланиши мумкин.
Хорижлик харидорларнинг кўпчилиги болаларни қандай ҳолатда кўринишда фильмга олишни исташини билдиради ва буюртмага асосан фильм тасвирга туширилади.
Филиппин болалар порнографичи марказида турган давлат, деб ишонилади.
Ҳукумати эса бундай ҳолатга қарши кураш олиб бораётганини таъкидламоқда.
Болаларнинг онлайн таҳқирга юз тутиши билан боғлиқ жиноят ишлари сони ўтган беш йил ичида 100 мингдан 18 миллионга қадар ошган.
Яширин видеога олинган қизалоқ
Жона (исм ўзгартирилган) болалигида дугонасининг онаси томонидан жинсий эксплуатацияга учрагани ҳақида сўзлайди.
"Бир куни мен ва дугонам бирга душ қабул қилиб, кийина бошлаган эдик. Унинг онаси ҳам биз турган хонада эди".
"Биз у телефонини ўйнаб ўтирибди, деб ўйлагандик, лекин бир маҳал камера овози эшитилди. Ўзимни ноқулай ҳис қила бошлади" - эслайди Жона.
"Дугонам онасидан нега бизни суратга олаётганини сўради. Онаси бизга эътибор берманглар, деди".
Кейинроқ полиция Жонанинг яланғоч суратлари интернетда сотувга қўйилганини аниқлайди.
"Полиция менга суратларим бошқа давлатлардаги харидорларга жўнатилаётганини хабар қилди" - сўзлайди Жона.
Халқаро Адолат Миссияси 500 га яқин филиппинлик болаларни онлайн жинсий таҳқир домидан қутқариб қолишга муваффақ бўлган.
Ташкилотга кўра, маҳаллий полиция томонидан ўтган беш йил ичида амалга оширилган 150га яқин рейд вақти аниқланган болаларни жинсий эксплуатация қилиш ҳолатларида таҳқирловчиларнинг 69% уларнинг ўз ота-онаси ёки оила аъзоси бўлиб чиққан.
Шунингдек, таҳқирга учраган болаларнинг, қарийб ярми 12 ёшга ҳам тўлмаган.
Ўтган ойда Филиппинда болаларнинг жинсий таҳқирланиши учун буюртма бериб, жараённи интернет орқали жонли кузатиб турган британиялик собиқ ҳарбий зобит озодликдан маҳрум этилган эди.
Ўз боласини видеога олган она
Исмининг ошкор этилишини истамаган филиппинлик уч фарзанднинг онаси бўлмиш бир аёл Би-би-сига шундай видеоларни тарқатганини тан олди.
У буюртмачи истакларини виждонан амалга оширганини билдиради.
"Мен хорижликдан 12-13 яшар болалар бўлаверадими, деб сўрадим. У ҳа, деди".
"У мендан бир-бири билан жинсий яқинлик қилаётган болалар видеосини тасвирга тушириб, унга юборишни сўради".
Кейинроқ аёл ўз фарзандларининг ахлоққа тўғри келмайдиган тасвирларини сотишда айбланиб, қўлга олинган.
Бугунги кунда Филиппиндаги айрим черковлар болалар порнографияси урчиши сабабларидан огоҳлантирмоқда.
Камбағалллик баҳона бўладими?
Баъзилар қашшоқлик туфайли ота-оналар шундай ишга қўл уришга мажбур, дейди.
Аммо пойтахт Манила четида истиқомат қилувчи руҳоний Стивен Гуалбертонинг таъкидлашича, қашшоқлик баҳона бўла олмайди.
Руҳоний Стивен Гуалбертонинг айтишича, фарзандларини "камера қаршисида фоҳишага айлантираётган ота-оналар" қилмишини оқлаб бўлмайди.
Унга кўра, камбағаллик пул топиш учун бошқа танлов йўқлигини англатмайди
"Танлов тўлиб ётибди. Оиланг яшаб қолиши учун болангни фоҳишага айлантиришинг шарт эмас".
Жорий йил бошида Филиппин полицияси болаларнинг таҳқирланишига қарши курашувчи марказ ташкил этган.
Бироқ ҳукумат вакили бўлмиш Лорейн Бедой Би-би-сига бу марказ деярли самара бермаётганини очиқ айтди.
"Биз бирор жиддий ўзгариш қила оляпмиз, деб ўйламайман, чунки бу жиноят жуда яширин" - дейди Лорейн Бедой.
"Болаларнинг таҳқирланиши жамият келажагида жиддий асорат қолдиришидан қўрқаман".
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
