"Чекаётган" филни кўрганмисиз?
Сурат манбаси, WCS
Дунё бўйлаб ёввойи табиат экспертларининг боши қотган: Ҳиндистонда 2016 йили видео тасвирга олинган урғочи фил нима қилаётган эди? Фил оғзидан тутун чиқарган.
Ҳодиса Ҳиндистоннинг Карнатака штатидаги Нагарахол Миллий паркида кузатилган.
2016 йили апрелида Ёввойи табиатни муҳофаза қилиш жамияти аъзоси Винай Кумар 48 сониялик видеони тасвирга олган.
Винай Кумарнинг сўзларига кўра, Ёввойи табиатни муҳофаза қилиш жамиятининг мутахассислари эрта тонгда йўлбарсларни кузатиш учун ўрнатилган видеокамераларни текшириш учун ўрмонга келишган.
Ўзидан 50 метрча узоқликда Винай Кумар "оғзидан тутун чиқараётган" урғочи филни кўриб қолган ва видео тасвирга олишни бошлаган.
"Бу худди фил сигарет чекаётганига ўхшарди. У хартумини оғзига солар, сўнг оғзидан тутун чиқарарди", деб айтган Кумар.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Ушбу видеони ўрганган биолог Варун Госвами фикрича, фил оғзига кўмирга айланган ёғочни солган ва пуфлаб оғзидаги кулдан қутулган.
"Ёғоч кўмир организмдан токсин чиқариш хусусиятига эга. Унинг ичида ҳайвонларни тўйдирадиган егулик кўп эмас, аммо ҳайвонлар унинг шифобахшлигини яхши билишади", - дейди биолог Варун Госвами.
"Шунингдек, ёғоч кўмир ич кетказиш хусусиятига ҳам эга. Ўрмон ёнғинлари, яшин уриши ёки ўтлар қуриганидан кейин қолган кўмир ҳайвонлар учун фойдали. Уни еб "доно" ҳайвонлар ичини юргизишади", - деб айтди биолог олим.
BBCUZBEK.COM билан Telegram орқали +44 7858860002 номери билан боғланинг. Telegram каналимиз: https://t.me/bbcuzbek
