Ўзбекистонлик аёллар нега Туркияда ишлашни танлашаяпти? Россия, Туркия, мигрантлар

Ҳозир ярим миллиондан кўп ўзбекистонлик хотин-қиз чет элларда меҳнат муҳожирлигида. Ўзбек аёлларининг катта қисми Туркия ва Россияда ишлашмоқда. Нега?

Истанбулдаги дўконларнинг бирида 4 йилдан бери сотувчилик қилаётган олтиариқлик Раҳима Туркияга келгунига қадар 7 йил Россияда ишлаган.

"Бу ер Россиядан кўра қулайроқ. У ерда магазинда фаррошлик қилардим. Озиқ-овқат дўкони, ишим қийинроқ эди" - дейди Раҳима.

Биз Раҳманинг Истанбулдаги иши ва ҳаёти билан танишишга ҳаракат қилдик.

Ўзбек аёллари учун Россия яхшими ёки Туркия? Видео:

Алоқадор мавзулар:

Москвадаги ўзбек автоуста аёл: “Қўлим қоралигидан уялмайман”

100 аёл: Россияда 9 жойда ишлайдиган ўзбек суперфаррош - Видео

Кранчи Мафтуна нега солиқдаги ишини ташлаб Россияда ишлаяпти? Ўзбекистон, Россия, мигрантлар - Видео

Ўзбекистон паспортини ололмай Россияга кетган қўшиқчи: Аёлга 40 ҳунар оз бўлиб қолди

Ўзбекистон - Россия: Ўзбек аёлларининг Россияга кетиши нега кўпаймоқда? Видео

Суҳбатдошимиз Россияда хужжат масаласи ҳамиша муаммо бўлгани, шу сабабли мамлакатдан чиқариб юборилганини айтади.

У икки давлатдаги муҳожир аёлларнинг иш шароитни таққослаб, Истанбулда ишлашни афзал кўради.

Асосан оёқ кийимлари сотиладиоган дўконда мингдан ортиқ пойабзал бор.

"Ҳаммасининг нархини ёддан биламан" - дейди Раҳима.

Улгуржи ва чакана савдо қилинадиган тижорат эгаларининг хусусий фабрикаларида ишлаб чиқарилади.

Дўкон одамлар билан гавжум. Сотувчи Раҳима иш бўйича бир кунда 700-800 одам билан мулоқот қилиши, кунига 2000-3000 долларлик буюртма олиши ҳақида гапириб берди.

Раҳиманинг айтишича, Россиядагидан фарқли тарзда, Туркияда иш соати кўп эмас, хафтада бир кун дам олиш белгиланган.

Ойлик маошидан ташқари, сотувчининг еб-ичиш ва уй ижараси тўлови харажатларини ҳам иш берувчи қоплайди.

"Ҳайитда уйимизда қурбонлик қилишимиз учун 1000 доллар эҳсон қилди" - дейди Раҳима бошлиғи ҳақида гапириб.

Туркиядаги иши ва ҳаётидан мамнун Раҳима ватанга қайтишни истайдими ёки бу ерда бутунлай қолмоқчими?

Бу борада видео лавҳамизни кўриб, билиб оласиз.

Telegram каналимиз: https://t.me/bbcuzbek

BBCUZBEK.COM билан Telegram орқали +44 7858860002 номери билан боғланинг.