Кранчи Мафтуна нега солиқдаги ишини ташлаб Россияда ишлаяпти? 100 аёл. Ўзбекистон, Россия, мигрантлар - video Rossiya migrant

Фарғоналик Мафтуна 36 ёшда. У олий маълумотли, Фарғонада солиқ идораларининг бирида ишлаган. Спортнинг кураш ва таэквондо турлари билан шуғулланиб, мусобақаларда ҳам қатнашган.

Ҳозирда Москвадаги қурилиш иншоотларининг бирида автокран бошқарувчиси бўлиб ишлайди.

Москвага келганига 3 йил бўлган Мафтунанинг қурилишга ишга кириш ҳам осон бўлмаганини айтади.

Мафтуна Саидаҳмедованинг кран ичидаги ва ташқарисидаги ҳаёти билан танишамиз.

Алоқадор мавзулар:

Би-би-сининг 100 аёл лойиҳаси ҳар йили дунё бўйлаб энг таниқли, илғор ва илдам 100 аёлни танлаб олади. Уларнинг муваффақият сирлари ва қилаётган илҳомбахш ишларини бошқалар билан ўртоқлашади.

Мафтуна қишин-ёзин 80 метр баландликда ишлайди. Унинг автокранига чиқиш ҳам осонмас.

- Зинани ҳар бир поғонаси ўз ҳажмидан 2-3 баробар кўп музлайди. Сирпанчиқ. Бундай пайтда кранга чиқиш учун қўлингизни кучига таянишингиз керак бўлади, - дейди Мафтуна.

Муҳожир аёлнинг бугунги ҳаёт тарзи бир хилда кечаяпти: бир сутка иш, бир сутка дам.

Бир кечаю кундуз автокрандан тушмайдиган Мафтуна техника ичида ўзига шароит қилиб олган.

Собиқ спортчи бўш вақтида спортзалга қатнайди.

У мусофирликдаги ҳаётидан мамнунми?

Балки Россияга келмаганида балки яхши солиқчи бўлиши мумкинмиди?

Мафтунанинг ўйю кечинмалари, ҳаётини бироз билиш учун видеолавҳамизни кўринг.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek