Қирғизистон Президенти: Мирзиёев Ўзбекистонда Каримовдан қолган диктатурани йўқотди - Ўзбекистон (видео)
Сурат манбаси, President.kg
Қирғизистоннинг янги сайланган Президенти Садир Жапаров Ўзбекистон Президенти Шавкат Мирзиёев Ислом Каримовдан қолган диктатурани йўқ қилиб, мамлакат эшигини дунёга очганини айтди.
Би-би-си мухбири Венера Қўйчиевага берган интервюсида Қирғизистон унинг қўли остида авторитар бошқарувга айланиб кетмайдими, деган саволга у Президент Шавкат Мирзиёевни мисол келтириб жавоб берди.
Садир Жапаровга кўра, Мирзиёев бошқарувга келгач, диктатурага барҳам берди ва натижада мамлакатга сармоя кириб кела бошлади. Халқнинг ҳаёти фаровонлашди, дейди у.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Би-би-си: Қирғизистонда сиёсий бошқарув шакли ўзгармоқда, президентлик бошқарувингиз авторитар ҳокимиятга айланиб кетмайди, деб кафиллик бера оласизми?
Садир Жапаров: Бу ҳар бир одамнинг ўзига боғлиқ бўлади. Менда авторитар бошқарувни ўрнатиш нияти йўқ. Ўрнатмаймиз. Бунга кучимиз ҳам иродамиз ҳам етади. Буни вақт ҳам кўрсатади.
Бизнинг кучимиз қонун устуворлиги ва адолат диктатурасини ўрнатишга етади. Худо хоҳласа ўрнатамиз.
Сизга бир мисол келтирайин. Қўшни Ўзбекистонни олинг.
Каримов даврида кучли диктатура эди. Уни бутун дунё биларди, қўшни давлатлар ва биз ҳам билганмиз.
Шавкат Миромонович Мирзиёев келгач диктатурани олиб ташлаб дунёга эшигини очди. Эшигини очгандан кейин ҳозир қандай ўзгаришлар бўляпти.
Агар диктатурани ўрнатаман деса Ислом Каримовнинг диктатурасини давом эттириб кетса бўлар эди. Аммо давом эттирмадику.
Бу ҳар бир одамнинг ўзига боғлиқ. Бўлмаса Ислом Каримов билан ишлашиб келган, бирга бошқарган.
У киши вафот этгандан кейин ҳокимият қолгач, барча диктатурани йўқ қилиб, дунёга эшигини очди. Қўшни давлатлар ва узоқдаги мамлакатлар билан бирга ишлаб, ҳозир инвестиция кириб мисли кўрилмаган даражада иқтисодий ўсиш бўляпти.
Халқнинг турмуши ҳам фаровонлашяпти. Шунинг учун ҳам ҳаммаси одамнинг ўзига боғлиқ, деб айтаман.
Агар менинг ҳам диктатура ўрнатгим келса ўзимнинг қўлимдада. Бу қонунлар қандай ёзилиши, бош қомуснинг қандай ёзилишига боғлиқ эмас. Ўрнатаман, десанг ўрнатаверасан.
Аммо биз бундай қилмоқчимасмиз.
Сабаби ҳеч ким бенуқсон эмас. Бизнинг ҳам замонимиз ўтади. Беш йил, ўн йилдан кейин ўтадими, бизнинг ҳам вақтимиз тугайди. Бошқа замон келади.
Инсон ҳаёти давомида замон, яшаш тарзи ўзгариб туради. Шунинг учун ҳам бундай нарсалардан узоқдамиз. Биз эртанги кунимизни ўйлашимиз керак.
Қўшнилар билан ўзаро манфаатли муносабат
28 январ куни Қирғизистоннинг янги сайланган Президенти Садир Жапаров қасамёд маросимидан сўнг ўз вазифасии бажаришга киришди.
Сурат манбаси, President.kg
У ўтмишдаги ҳукуматнинг хатосини такрорламасдан, халқ учун ишлашини ва диктатура ўрнатиш нияти йўқлигини билдирди.
Садир Жапаров инаугурация маросимида сўзлаган нутқида сиёсий маданиятнинг деградацияси, ижтимоий бўлиниш,ҳокимиятни қамраб олган коррупция ва инқилобга сабаб бўлган бошқа муаммолар тўғрисида гапирган.
Қирғизитон Президенти Би-би-сига берган интервюсида ташқи сиёсатда қўшни малакатлар, Россия, АҚШ, Европа Иттифоқи, Хитой ва бошқа давлатлар билан тенг ҳамда ўзаро манфаатли муносабат юритишини айтди.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
