Ўзбекистон: қўй паспорти 3345 сўм, ҳўкиз паспорти 4460 сўм

2019 йил 27 ноябридан уй ҳайвонларини рўйхатга олиш ва ветеринар паспортини расмийлаштириш тўловлари миқдори қанчани ташкил этиши эълон қилинди.

Кимнинг бир кучуги ёки мушуги бўлса, Ўзбекистондаги энг кам иш ҳақини ҳисоблашнинг базавий миқдорининг 1 фоизига тенг пул - 2230 сўм тўлаш талаб қилинади.

Тўлов миқдорлари Ўзбекистон Давлат Ветеринария қўмитаси томонидан белгиланган.

Жисмоний шахс бўладими ёки юридик шахс тасарруфида бўлган барча чорва ҳайвонлари регистрация қилиниши лозим.

Бир бош қўй, эчки ёки чўчқа учун базавий миқорнинг 1,5 фоизи - 3345 сўм тўлаб рўйхатдан ўтказиш ва ветеринар паспортини олиш талаб қилинади.

Бир бош қорамол, от, туя ва эшак учун тўлов энг кам иш ҳақини ҳисоблашнинг базавий миқдорининг 2 фоизи - 4460 сўм этиб белгиланган.

Ўзбекистонда сотиб олинган чорвани ветеринар регистрациясидан ўтказишнинг мажбурий тартиби 2018 йил бошидан кучга кирган.

Ушбу тартиб бўйича бузоқ, қўзи, улоқ ва бўталоқни туғилганидан кейин 14 кун ичида, чўчқа боласини бир ойлик бўлганидан кейин, ит ва мушук болаларини 3 ойлик, тойча ва куррани 4 ойлик бўлганидан кейин ветеринар рўйхатидан ўтказиб паспорт олиш талаб қилинади.

Skip Энг кўп ўқилган and continue reading
Энг кўп ўқилган

End of Энг кўп ўқилган

Қўй ва эчкиларнинг бир подасига бир ветеринар паспорт олиш мумкин, айрим жониворларга бирка, яна бирига жетон, яна бирининг оёғига халқа ёки электрон чип ўрнатилади.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: @bbcuzbek