Ўзбекистон-Россия: “Ўзбекистон Беларусь, Мирзиёев Лукашенкога ўхшайди”
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Россия Президенти Владимир Путиннинг Ўзбекистонга икки кунлик давлат ташрифи арафасида расмий Тошкентнинг Кремлга нисбатан бугунги сиёсати айрим маҳаллий экспертлар талқинида худди шу каби баҳоларга сабаб бўлмоқда.
Жумладан, Россияда миллатлараро муносабатлар ва сиёсий йўналишдаги мақолалари билан танилган колумнист Максим Горюнов худди шу каби фикрда бўлган таҳлилчилардан бири.
Унинг айтишича, бугунги Ўзбекистон Россияга нисбатан, таъбир жоиз, "манфаатли" сиёсат олиб бормоқда.
Максим Горюнов бу каби сиёсатга "чиройли дипломатия", деб баҳо беради.
"Агар, Шавкат Мирзиёевга Москвадан қандайдир имтиёз, кўмак керак бўлса, у рус маданияти томонга қадам ташлаши мумкин", - дейди таҳлилчи.
"Масалан, қаранг, биз сизларнинг ўқитувчиларингни ўзимизга қабул қилаяпмиз. Руслар ўзбекларнинг қалин дўстлигига оид маданий тадбирлар ўтказаяпмиз, деган маънода... Тошкент ва Москва орасидаги бундай дипломатия Тошкентга Москвадан нимадир кераклигини билдиради".
Аммо, суҳбатдошимизга кўра, "агар, Москва ўзини қандайдир бошқача, улар кутмагандек тутса, яъни Ўзбекистон учун фойдали бўлмаса, бу ўқитувчиларни чиқариб юборишлари ҳам мумкин".
Таҳлилчининг уқтиришича, "Ортга йўл бўлади".
Марҳум президенти Ислом Каримовнинг чорак асрдан ортиқроқ вақт давом этган бошқаруви даврида расмий Тошкент Россия бўладими ва ёки АҚШ, глобал қудратларга нисбатан ўзининг беқарор ташқи сиёсати билан танилган.
Ўзбекистоннинг марҳум президенти Россия бошчилигидаги ташкилот ва иттифоқларга киришга ошкора рўйхушлик бермай келган.
Янги президенти қудратга келган бор-йўғи икки йилнинг ўзида эса, Ўзбекистон Россия билан Марказий Осиёда биринчиси бўлиши кутилаётган АЭС - атом электр станцияси қуриш қадар битимларга киришган.
Бу айрим минтақавий таҳлилчиларда Ўзбекистон Россиянинг таъсир доирасига тушиб қолади, деган жиддийгина хавотирларга ҳам сабаб бўлмай қолмаган.
Шундай экан, сиз бугунги расмий Тошкентнинг Россияга нисбатан ташқи сиёсатига қандай қарайсиз? Бу геосиёсий манфаатларни кўзда тутган сиёсатми ва ёки геоиқтисодиётни бирламчи қўйган?
Бу каби ташқи сиёсатдан Ўзбекистон ютадими ва ёки ютқизади?
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
