Бобомурод Абдуллаев: "Усмон Ҳақназаров ўз миссиясини бажариб бўлди"
Сурат манбаси, Malohat Eshonqulova
7 май куни Тошкент суди томонидан суд залидан озодликка чиқарилган журналист Бобомурод Абдуллаев BBCUZBEK.COM нинг Facebook саҳифасидаги жонли мулоқотида иштирок этди. У Усмон Ҳақназаров тахаллуси ўз миссиясини бажариб бўлгани учун бу ном остида бошқа мақола ёзмаслигини маълум қилди.
Суд унга иш ҳақининг 20 фоизини давлат даромади ҳисобига ушлаб қолган ҳолда 3 йил аҳлоқ тузатиш ишлари жазоси тайинланди. Абдуллаев билан судланган яна уч киши суд томонидан айбсиз деб топилган.
Бобомурод Абдуллаев судининг очиқ ва адолатли ўтиши Мирзиёев бошлаган сиёсий ислоҳотларнинг натижаси эканлигини айтди.
Жонли мулоқотни BBCUZBEK.COMнинг YouTube каналида томоша қилинг:
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
У МХХ раиси Рустам Иноятов вазифасидан олиниши билан МХХ ҳибсхонасида унга нисбатан муомала ижобий томонга ўзгарганини билдирди.
Журналистга кўра мухолифат лидери Муҳаммад Солиҳнинг Бобомурод Абдуллаевнинг Усмон Ҳақназаров эканлигини матбуот анжумани орқали эълон қилиши унинг ишини резонансли бўлишига сабаб бўлгани ва фойда берганини таъкидлади.
- BBCUZBEK.COM билан Telegram орқали +44 7858860002 номери билан боғланинг. Telegram каналимиз: https://t.me/bbcuzbek
