ШҲТ саммити Эрон ядровий муаммосининг соясида қолдими?

Эрон Президенти Маҳмуд Аҳмадийнежод Россия, Хитой ҳамда Марказий Осиё раҳбарларини, ўзининг таъбирича, ҳукмрон қудратлар туғдираётган таҳдидлар олдини олиш учун ҳамкорликка чақирди.

Шанхай Ҳамкорлик Ташкилотига мурожаат этаркан, Маҳмуд Аҳмадийнежод, агар у сиёсий соҳадаги алоқаларини кенгайтирса,
кучли ташкилотга айланиши мумкин,
деб айтган.

Саммитни ёритаётган мухбирларнинг билдиришича, гап ҳойнаҳой, Шанхай ташкилотини аксиламерика блогига айлантириш тўғрисида кетаяпти.

Жаноб Аҳмадийнежод Шанхай Ҳамкорлик Ташкилотининг бир ҳафталик учрашувида кузатувчи сифатида иштирок этмоқда.

Афтидан, Шанхай Ҳамкорлик Ташкилотининг учрашуви Эроннинг ядровий дастури соясида қолиб кетади.

Америка Қўшма Штатлари ШҲТ Эрон раҳбарини саммитга таклиф этгани учун танқид қилган.

Ташкилотнинг икки етакчи аъзо давлати бўлган Хитой ва Россия БМТ санкциялари билан Эронга босим ўтказишга қарши чиқдилар.

Шанхайдаги йиғилишда раҳбарларнинг терроризм ва гиёҳванд моддаларнинг ноқонуний савдоси масалаларини ҳам муҳокама этишлари мўлжалланган.

Шанхай Ҳамкорлик Ташкилоти Хитой билан собиқ Шўро республикалари ўртасидаги чегара муаммоларини ҳал этиш мақсадида ташкил этилган.

Бу галги учрашувга бирор бир ташкилотга аъзо бўлмаган кўплаб давлатлар раҳбарлари таклиф этилган, улар орасида Американинг иттифоқчиси Афғонистон Президенти Ҳомид Карзай ҳам бор.

Эрон, Мўғулистон, Ҳиндистон ва Покистон Шанхай Ҳамкорлик Ташкилотининг кузатувчилари ҳисобланишади.

Шанхай Ҳамкорлик Ташкилоти мақсадлари нима?

HRW: 'Инсон ҳуқуқлари ҳам муҳокама этилсин'

Шанхай меҳмонларни қаршилаяпти

ШҲТ мажлисида нималар муҳокама этилади?