Ҳиндистон Ғарбий Африкадаги инқироз сабабчиси бўлган икки дорини тақиқлади
Ҳиндистон расмийлари BBC суриштирувига жавобан, кучли даражада ружу қўйишни келтириб чиқарувчи икки хил опиоидни тақиқлади. Cуриштирув натижасида бу дориларнинг Ғарбий Африканинг айрим қисмларида омма саломатлиги инқирозини келтириб чиқараётгани аниқланди.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Ҳиндистоннинг Дори воситалари назорати бош директори доктор Ражеэв Сингх Рагхуваншин BBC га берган жавобида бу дориларни ишлаб чиқариш ва экспорт қилишга рухсат бекор қилингани айтилган.
BBC Eye суриштируви натижасида "Авео" номли бир фармацевтика компанияси Гана, Нигерия ва Кот-дъИвуар каби мамлакатларга тапентадол ва карисопродолнинг зарарли аралашмасини ноқонуний равишда экспорт қилгани аниқланди.
Ҳиндистоннинг Озиқ-овқат ва Дори-дармон маъмурияти компаниянинг Мумбайдаги заводи рейд қилинганини ва бутун захираси мусодара этилганини маълум қилди.
Доктор Рагхуваншининг жума кунига тегишли баёнотида тапентадол ва карисопродолнинг барча бирикмаларини тақиқлаш қарорига BBC суриштируви асос бўлганлиги ва бу қарор дарҳол амалга оширилиши кераклиги таъкидланган.
У шунингдек, расмийлар "наркотик моддаларни суиистеъмол қилиш эҳтимоли ва унинг аҳолига зарарли таъсирини" ўрганиб чиққандан кейин ҳам бу қарор қабул қилинганини қўшимча қилди.
Тапентадол кучли опиоид, карисопродол эса мушакларни бўшаштирувчи восита бўлиб, кучли ўрганиб қолишга сабаб бўлганидан, Европада тақиқланган.
Карисопродол АҚСда фақат уч ҳафтагача бўлган қисқа муддатда фойдаланишга рухсат этилган. Бу дорини қабул қилишни тўхтатиш хавотир, уйқусизлик ва галлюцинацияларни келтириб чиқариши мумкин.
Икки дорининг комбинацияси дунёнинг ҳеч бир жойида фойдаланиш учун лицензияланмаган, чунки улар нафас олиш қийинлишуви ва тутқаноқларга сабаб бўлиши мумкин. Дозани ошириб юбориш ўлимга олиб келaди.
Хавфларга қарамай, бу опиоидлар кўплаб Ғарбий Африка мамлакатларида машҳур кўча наркотик моддалари ҳисобланади, чунки улар жуда арзон ва кенг тарқалган.
Оммага очиқ экспорт маълумотлари Aveo Pharmaceuticals ва Westfin International деб номланган қардош компания Гана ва бошқа Ғарбий Африка мамлакатларига ушбу таблеткаларни миллионлаб миқдрода етказиб берганини кўрсатади.
BBC Жаҳон хизмати, Нигерия кўчалари, Кот-дъИвуар шаҳарлари ва қишлоқларида сотиладиган Aveo логотипи туширилган ушбу таблетка пакетларини топди.
Аҳолиси 225 миллион бўлган Нигерия бу тур таблеткалар учун энг катта бозор ҳисобланади. Миллий статистика бюросининг маълумотларига кўра, тахминан тўрт миллион нигериялик опиоиднинг қандайдир бир турини суиистеъмол қилади.
Суриштирув доирасида BBC, Нигерияга опиоид етказиб беришни истаган африкалик тадбиркор кўринишидаги агентни Ҳиндистондаги Aveo заводларидан бирига юборди. Заводда Ave директорларидан бири Винод Шарма, Ғарбий Африкада сотилаётган хавфли маҳсулотларни намойиш этаётганини тасвирга олишди.
Суриштирув доирасида BBC, Нигерияга опиоид етказиб беришни истаган африкалик тадбиркор кўринишидаги агентни Ҳиндистондаги Aveo заводларидан бирига юборди. Заводда Aveo директорларидан бири Винод Шарма, Ғарбий Африкада сотилаётган хавфли маҳсулотларни намойиш этаётганини тасвирга олишди.
Яширин тарзда ёзиб олинган видеода агент Шармага, режаси таблеткаларни "бу маҳсулотни яхши кўрадиган" Нигериядаги ўсмирларга сотиш эканлигини айтади.
Харидорлар кимлигини билган Шарма шунчали "дуруст" деб қўяди. Фойдаланувчилар икки ёки учта таблеткани бирданига қабул қилсалар, "дам олишлари" мумкинлигини айтади. Ўспиринлар "кайф қилиш"ни исташса, бу уларнинг танлови дейди.
Учрашув охирида Шармa, бу соғлиқ учун жуда зарарлигини, лекин "ҳозир бу бизнес" эканлигини қўшимча қилади.
Шарма ва Aveo Pharmaceuticals BBCнинг дастлабки суриштируви чоп этилганида, айбловларга нисбатан ҳеч қандай изоҳ бермади.
Ҳиндистоннинг Озиқ-овқат ва Дори-дармон назорати маъмурияти жума куни баёнотида Aveo бутун захираси мусодара қилингани ва бундан кейинги ишлаб чиқариш фаолияти тўхтатилганини маълум қилди. Компанияга қарши қўшимча қонуний чоралар кўрилади, деди у.
Агентлик "мамлакат обрўйига путур етказадиган ноқонуний фаолият билан шуғулланадиган ҳар қандай шахсга қарши чоралар кўришга тўлиқ тайёр" эканлигини айтди.
Шунингдек, дориларнинг тарқатилишини олдини олиш учун қўшимча текширувлар ўтказишни буюрганини билдирди
