2023 تک ارب پتی افراد میں 38 فیصد اضافے کا امکان
،تصویر کا ذریعہAFP
دنیا میں امرا کی تعداد میں اضافہ ہو رہا ہے، اور ایک پوری صنعت ان کی ضروریات پوری کرنے کے لیے تخلیق کی جا رہی ہے۔ لیکن یہ افراد جو امیر سے امیر ہوتے جا رہے ہیں وہ کہاں رہتے ہیں اور ہم ان کے بارے میں کیا جانتے ہیں؟
ایسی کمپنیاں اور ویب سائٹیں وجود میں آ رہی ہیں جو ان امرا کی کھوج لگاتی ہیں اور ان کے نام، نمبر اور ضروریات کا تجزیہ کرتی ہیں۔ آپ ان کے بارے میں <link type="page"><caption> روزانہ کی بنیاد پر</caption><url href="http://www.bloomberg.com/billionaires/#/2014-06-10/cya" platform="highweb"/></link> یہ بھی معلوم کر سکتے ہیں کہ آج امیر ترین مرد کون ہے۔
ریسرچ کمپنی ویلتھی انسائٹ کی سالانہ ویلتھی رپورٹ میں پیشن گوئی کی گئی ہے کہ سنہ 2023 تک دنیا میں ارب پتیوں کی تعداد 38 فیصد بڑھ کر 2315 ہو جائے گی۔
ارب پتی افراد کی تعداد اتنی زیادہ نہیں ہے لیکن رپورٹ میں پیشن گوئی کی گئی ہے کہ وہ افراد جن کے پاس تین کروڑ ڈالر سے زیادہ ہیں، ان کی تعداد 2023 تک 28 فیصد اضافے کے ساتھ 215000 ہو جائے گی۔
امیر افراد کی تعداد میں اضافہ دنیا کے ہر خطے میں ہو گا، لیکن رپورٹ کے مطابق آئندہ دہائی میں ابھرتی ہوئی معیشت میں امرا کی تعداد زیادہ ہو گی۔
،تصویر کا ذریعہBBC World Service
سالانہ ویلتھی رپورٹ کے مطابق ایشیا میں سب سے زیادہ ارب پتی افراد ہوں گے اور ایشیا میں ترقی شمالی افریقہ اور یورپ سے زیادہ ہو گی۔ لیکن اس بات کو بھی ذہن میں رکھیں کہ جب ایشیا کی بات کرتے ہیں تو زیادہ آبادی کی بات ہوتی ہے۔
دوسری جانب اس بات کا بھی خیال رکھیں کہ آج جو قدر ارب کی ہے وہ دس سال بعد نہیں ہو گی۔
اگر امرا کو ممالک کے اعتبار سے دیکھیں تو امریکہ ہی میں 2023 میں سب سے زیادہ امیر افراد ہوں گے لیکن اس کے مقابلے میں چین، روس اور بھارت ہوں گے۔
End of سب سے زیادہ پڑھی جانے والی
سالانہ ویلتھی رپورٹ کے مطابق اپنی محنت سے کروڑ پتی بننے والوں کی تعداد ایسے افراد سے کہیں زیادہ ہے جن کو رقم وراثت میں ملی ہے۔
،تصویر کا ذریعہBBC World Service
لیکن خود کمانے والے کروڑ پتی افراد کشمکش میں مبتلا ہوتے ہیں کہ آیا وہ اپنی دولت اولاد کے نام لکھ دیں یا پھر زیادہ دولت کسی کو دے دیں۔
دو دہائی قبل چین سے امریکہ میں رہائش اختیار کرنے والے کروڑ پتی ایڈورڈ ژو کا کہنا ہے کہ ذہین لوگوں کو خود کمانا چاہیے اور وہ اپنے بچوں سے بھی یہی توقع رکھتے ہیں۔
ریسرچ میں جنس کے حوالے سے کہا گیا ہے کہ تین کروڑ ڈالر کی دولت والے افراد میں 90 فیصد مرد ہیں۔
ریسرچ میں یہ بھی کہا گیا ہے کہ جو کسی طور بھی حیرت کی بات نہیں ہے کہ امرا کو خاتون دوست یا پارٹنر تلاش کرنے میں مشکل نہیں ہوتی۔
