جنوبی کوریا: کمپنی کی دودھ کے اشتہار میں خواتین کو بطور گائے دکھانے پر معافی
،تصویر کا ذریعہSeoul Milk
جنوبی کوریا میں دودھ کی اشیا بنانے والے سب سے بڑے برانڈ نے ایک اشتہار کے حوالے سے معافی مانگی ہے جس میں خواتین کو بطور گائے دکھایا گیا ہے۔
سیول مِلک کی جانب سے جاری کردہ ویڈیو میں ایک شخص کو خفیہ طور پر ایک کھیت میں خواتین کی ویڈیو بناتے دکھایا گیا تھا۔ ویڈیو میں خواتین گائے میں تبدیل ہو جاتی ہیں۔
عوامی سطح پر سخت تنقید کے بعد کمپنی نے اس اشتہار کو یوٹیوب سے ہٹا دیا ہے تاہم یہ اشتہار وائرل ہو چکا تھا اور دیگر صارفین نے بھی اسے اپ لوڈ کر دیا ہے۔
کچھ لوگوں نے اس اشتہار میں مردوں کے برتاؤ کو ‘مولکا‘ سے تشبیہ دی جو کہ لوگوں کو خفیہ طور پر عکس بند کرنے کی غیر قانونی پریکٹس ہے۔
سیول مِلک نے انٹرنیٹ پر ایک معافی نامہ شائع کیا جس میں کہا گیا کہ ہم ہر اس شخص سے معافی مانگتے ہیں جسے یہ اشتہار برا لگا ہے۔
‘ہم اس معاملے کو سنجیدگی سے دیکھ رہے ہیں اور کمپنی کے اندر از سرِ نو جائزہ لے رہے ہیں تاکہ مستقبل میں ایسی غلطیاں نہ ہوں۔ ہم معافی میں اپنا سر جھکاتے ہیں۔‘
اس کلپ میں دکھایا گیا ہے کہ ایک شخص دیہاتی علاقوں میں کیمرہ لیے گھوم رہا ہے۔ پیچھے سے آواز آتی ہے کہ ‘ہم نے آخر کار اپنے کیمرے میں انتہائی شفاف مناظر کو عکس بند کر لیا ہے۔‘
اس کے بعد دکھایا جاتا ہے کہ وہ شخص جھاڑیوں میں چھپ کر خواتین کے ایک گروپ کی ویڈیو بنا رہا ہے جس میں خواتین ایک ندی سے پانی پی رہی ہیں اور یوگا کر رہی ہیں۔
End of سب سے زیادہ پڑھی جانے والی
وہ شخص غلطی سے ایک ٹہنی پر پاؤں رکھتا ہے تو تمام خواتین چونک کر گائے بن جاتی ہیں۔ اشتہار کا اختتام ان الفاظ پر ہوتا ہے، ‘صاف پانی، اورگینک غذا، 100 فیصد خالص سیول ملِک‘
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
YouTube پوسٹ کا اختتام
اس اشتہار نے ملک میں جنسی تعاصب کے حوالے سے قومی سطح پر بحث شروع کر دی ہے تاہم اس پر تنقید صرف اس بات کی نہیں تھی کہ خواتین کو بطور گائے دکھایا گیا۔ کچھ لوگوں نے یہ بھی نشاندہی کی ہے کہ اس میں ایک مرد کو خواتین کو خفیہ انداز میں عکس بند کرتے دکھایا گیا۔ جنوبی کوریا میں خفیہ کیمروں کا استعمال تیزی سے بڑھتا ایک مسئلہ بن گیا ہے۔
یہ بھی پڑھیے
’مولکا‘ جس کے لفظی معنی خفیہ کیمرے کے ہیں، یہ جنوبی کوریا میں ایک شدید مسئلہ ہے۔
،تصویر کا ذریعہSeoul Milk
یہ پہلا موقع نہیں کہ سیول ملِک غلط وجوہات کی بنا پر شہ سرخوں میں ہے۔ 2003 میں کمپنی نے ایک سٹیج پرفارمنس کی تھی جس میں برہنہ ماڈلز ایک دوسرے پر دہی پھینک رہی تھیں۔
اس موقعے پر سیول ملِک کے مارکیٹنگ ڈپارٹمنٹ اور ان ماڈلز پر جرمانے عائد ہوئے تھے۔
