آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
پوپ فرانسس لفٹ میں پھنس گئے، عبادت میں تاخیر پر معذرت کر لی
اتوار کو مسیحی فرقے رومن کیتھولکس کے روحانی پیشوا پوپ فرانسس کو ہفتہ وار عبادت کے لیے آمد میں تاخیر ہو گئی جس پر انھوں نے معذرت کرتے ہوئے کہا ہے کہ وہ لفٹ میں پھنس گئے تھے۔
82 سالہ پوپ فرانسس نے بتایا کہ وہ اچانک بجلی جانے کی وجہ سے 25 منٹ تک لفٹ میں پھنسے رہے جس کے بعد انھیں فائر فائٹرز نے وہاں سے نکالا۔
پوپ فرانسس نے ویٹیکن سٹی کے مرکزی چوراہے سینٹ پیٹرز سکوائر میں اپنے خطاب سے پہلے مسکراتے ہوئے لوگوں سے کہا ’میں تاخیر سے آنے کے لیے معذرت کرتا ہوں۔‘
اس کے بعد انھوں نے عوام سے کہا کہ وہ فائر فائٹرز کو تالیوں کے ساتھ خراجِ تحسین پیش کریں۔
یہ بھی پڑھیے
اپنے خطاب میں پوپ فرانسس نے بتایا کہ وولٹیج میں کمی ہوئی تھی جس کے بعد لفٹ رک گئی۔
End of سب سے زیادہ پڑھی جانے والی
پوپ فرانسس کا کہنا تھا ’شکر ہے کہ فائر فائٹرز آ گئے۔ میں ان کا بہت شکرگزار ہوں۔ 25 منٹ کی محنت کے بعد وہ اسے دوبارہ چلا پانے میں کامیاب ہوگئے۔‘
خبر رساں ادارے اے ایف پی کے مطابق اٹلی کے ٹی وی نیٹ ورکس جو کہ اس ہفتہ وار عبادت کو براہِ راست نشر کرتے ہیں، اس حوالے سے تشویش کا شکار تھے کہ کہیں یہ غیر معمولی تاخیر طبی وجوہات کی بنا پر تو نہیں۔
اپنے خطاب میں پوپ فرانسس نے یہ بھی اعلان کیا کہ وہ اگلے ماہ دس نئے رومن کیتھولک کارڈینل مقرر کریں گے۔
