آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
برطانوی شہزادہ ولیم اور ان کی اہلیہ کیٹ مڈلٹن 14 سے 18 اکتوبر کے دوران پاکستان کا دورہ کریں گے
برطانوی شہزادہ ولیم اور ان کی اہلیہ ڈچز آف کیمبرج کیٹ مڈلٹن 14 سے 18 اکتوبر کے دوران پاکستان کا دورہ کریں گے۔
اس بات کا اعلان برطانوی شاہی محل کینسنگٹن پیلس کی جانب سے کیا گیا ہے۔
شاہی جوڑے کے دورہِ پاکستان سے متعلق مزید تفصیلات بعد میں فراہم کی جائیں گی۔
شہزادہ ولیم ملکۂ برطانیہ کے پوتے اور شہزادہ چارلس اور لیڈی ڈیانا کے بڑے بیٹے ہیں۔
اس سے قبل 29 جون کو ایک ٹویٹ میں کینسنگٹن پیلس نے اس دورے کا اعلان تو کیا تھا لیکن تاریخ نہیں بتائی تھی۔ اس وقت کہا گیا تھا کہ برطانیہ کی وزارتِ خارجہ اور دولتِ مشترکہ کے دفاتر کی درخواست پر شہزادہ ولیم اور ان کی اہلیہ ڈچز کیٹ مڈلٹن رواں سال موسمِ خزاں میں پاکستان کا دورہ کریں گے۔
یہ بھی پڑھیے
End of سب سے زیادہ پڑھی جانے والی
پاکستان کی وزارت خارجہ کے ترجمان ڈاکٹر محمد فیصل نے ایک ٹویٹ میں اس دورے کا خیر مقدم کرتے ہوئے کہا ہے کہ اس دورے سے دو طرفہ تعلقات کو مزید مستحکم کرنے کا موقع ملے گا۔
برطانوی شاہی خاندان کے افراد کب کب پاکستان آئے؟
سنہ 2006 کے بعد سے برطانیہ کے شاہی خاندان کے کسی رکن کا یہ پہلا سرکاری دورہِ پاکستان ہو گا۔
آخری مرتبہ سنہ 2006 میں شہزادہ چارلس اور ان کی اہلیہ کمیلا پارکر پاکستان آئے تھے۔
شہزادہ چارلس اور ڈچز آف کارنوال سے پہلے شہزادہ ولیم کی والدہ لیڈی ڈیانا سنہ 1996 میں خیراتی کاموں کے سلسلے میں پاکستان آئی تھیں۔
لیڈی ڈیانا نے اس دورے کے دوران کینئرڈ کالج فار وویمن، لاہور کا دورہ بھی کیا تھا۔
ملکۂ برطانیہ الزبتھ دوم خود بھی دو مرتبہ سنہ 1961 اور 1997 میں پاکستان کا دورہ کرچکی ہیں۔
