چھٹیوں کے بیگ پیک کرنے کے چند کارآمد نسخے
،تصویر کا ذریعہGetty Images
اگر دنیا بھر کے سفر کرنے والوں میں ایک چیز یکساں ہے تو وہ سامان پیک کرنے کا مشکل مرحلہ ہے۔
کیا آپ کو کبھی دو ہفتے کے لیے اپنے ضروری سامان کو طیارے سے منظور شدہ سفری بیگ میں پیک کرنے کا سابقہ پڑا ہے؟ اگر ہاں تو آپ کو جگہ بچانے کے یہ چند نسخے کارآمد نظر آئيں گے۔
کسے معلوم کہ آپ کو پھر سفر کے لیے سامان پیک کرنے میں مزہ آنے لگے۔
1. اپنے جوتوں کو چھوٹی چھوٹی چیزوں سے بھر لیں
،تصویر کا ذریعہGetty Images
جوتوں اور بوٹس میں بہت سی خالی جگہیں ہوتی ہیں۔
ان خالی جگہوں کے استعمال کے لیے آپ اس میں اپنی جرابیں، پینٹ، کچھے، وغیرہ بھر لیں۔
اور جہاں چھوٹی چیزوں کی بات ہے تو آپ کے پیڈ والے برا اور بکینی ذرا بھاری ہو سکتے ہیں لیکن انھیں بھی جوتوں میں بہ آسانی ڈالا جا سکتا ہے۔ انھیں ایک دوسرے کے اوپر ڈال دیں۔
2. لپیٹیں، تہہ نہ لگائیں
End of سب سے زیادہ پڑھی جانے والی
،تصویر کا ذریعہGetty Images
سوٹ کیس میں زیادہ کپڑوں کے سمانے کے لیے انھیں تہہ کرکے رکھنے کے بجائے لپیٹیں۔
آپ لپیٹے ہوئے کپڑوں کو کس کر رکھ سکتے ہیں اور اس کے لیے ربر کے ایک آدھ بینڈ بھی استعمال کر سکتے ہیں۔
اس کا فائدہ یہ ہوتا ہے کہ کپڑے آپ کو پھر سے پریس نہیں کرنے پڑیں گے۔
3. ہوا سے خالی بیگ کا استعمال کریں
،تصویر کا ذریعہGetty Images
بازار میں ایسی بہت سی چیزیں ملتی ہیں جس سے آپ اپنے کپڑوں کے درمیان کی ہوا کو خالی کر کے اسے پیک کر سکتے ہیں اور جگہ بچا سکتے ہیں۔
بعض کمپریشن بيک میں پمپ کی ضرورت ہوتی ہے لیکن بعض میں آپ کپڑے بھر دیں جس سے ہوا از خود نکل جائے گی۔
اگر آپ زیادہ سے زیادہ کپڑے اپنے سوٹ کیس میں پیک کرنا چاہتے ہیں تو یہ ایک پر حکمت سرمایہ کاری ہے۔
4. جوتوں کو ایک ساتھ رکھیں
،تصویر کا ذریعہhedgehog94
بھاری سامان کے لیے جگہ بچانے کی غرض سے آپ کو جوتوں کو اس طرح رکھنا چاہیے کہ ایک کا انگوٹھے والا سرا دوسرے کے ایڑی والے سرے کے سامنے ہو۔
5. ایی ریڈر پر خرچ کریں
،تصویر کا ذریعہGetty Images
چھٹیوں پر جانے والے پڑھنے کے شوقین لوگوں کے لیے یہ انتہائی حکمت کی بات ہے کہ وہ ایی بک ریڈر خرید لیں۔
آپ اس میں اپنی پسند کی تمام ناول اپ لوڈ کر سکتے ہیں اور وہ بھی بغیر کوئی جگہ لیے۔
6. اپنے بھاری سامان پہن لیں
،تصویر کا ذریعہGetty Images
جو سوٹ کیس میں نہ سما سکے اسے آپ پہن لیں۔
سوئٹر اور جیکٹ جیسی بھاری چیزیں پہن لینے سے آپ کے بیگ کی جگہ بچ جاتی ہے۔
یہ درست ہے کہ آپ کو گرمی لگے گی اور پسینے آئیں گے لیکن جب آپ اپنی منزل پر پہنچیں گے تو آپ کے پاس بدلنے کے لیے بہت سے کپڑے ہوں گے۔
اپنی چپلوں کے لیے جگہ نکالنے کے لیے اپنے بھاری جوتے پہن کر رکھیں۔
7. ٹوٹنے والی چیزوں کو اپنی جرابوں میں رکھیں
،تصویر کا ذریعہGetty Images
آپ نے چھٹیوں کے لیے جو پرفیوم خریدی ہے کیا وہ بہت قیمتی ہے۔
اسے سفر میں ٹوٹنے سے بچانے کے لیے جرابوں میں رکھیں اور اگر شومیئ قسمت سے وہ ٹوٹ بھی گیا تو آپ ایک نئی خوشبو ڈیوٹی فری شاپ سے خرید سکتے ہیں۔
8. گندے جوتوں کو شاور کیپ میں رکھیں
،تصویر کا ذریعہGetty Images
ہوٹلوں میں عام طور پر مفت شاور کیپ ملتے ہیں۔
اگر آپ کے جوتے گندے ہیں تو آپ انھیں شاور کیپ میں رکھ کر پیک کرلیں تاکہ آپ کے دوسرے کپڑے صاف ستھرے رہیں۔
9. وزنی سامان کو نچلے حصے میں رکھیں
،تصویر کا ذریعہGetty Images
سامان پیک کرتے وقت ہم عام طور پر یہ بھول جاتے ہیں کہ ہمیں انھیں لے کر چلنا بھی پڑے گا۔
اس لیے وزنی سامان اگر سوٹ کیس میں نیچے پہیوں کی جانب ہوگا تو آپ کو سفر پر نکلنے کے ساتھ ہی ان کو ساتھ لے کر چلنے پھرنے میں بھی آسانی ہوگی۔
10. اپنے ملبوسات کی منصوبہ بندی کر لیں
،تصویر کا ذریعہGetty Images
دل میں یہ خیال آتا رہتا ہے کہ کہیں آپ کو اِس کی بھی ضرورت نہ پڑ جائے اور کہیں اُس کی بھی ضرورت نہ پڑ جائے۔
لیکن آپ اس معاملے میں سختی کا مظاہرہ کریں اور صرف اسی چیز کو پیک کریں جس کے بارے میں آپ یقینی ہوں کہ آپ ان کا استعمال کریں گے۔
11. رسنے، چونے، ٹپکنے سے بچنے کے لیے کلنگ فلم استعمال کریں
،تصویر کا ذریعہGetty Images
جب آپ اپنی ٹوائلٹریز جیسے شیمپو، شاور جیل، تیل وغیرہ کی بوتل کو پیک کر رہے ہوں تو پہلے اسکے ڈھکن کھول کر اس پر کلنگ فلم پھیلا لیں اور پھر ان کے ڈھکن کو مضبوطی سے بند کر دیں۔
باورچی خانے میں استعمال ہونے والے سٹیپل سے آپ کے سیال صابن اور سپیڈوز کو اضافی حفاظت ملتی ہے۔
12. تولیے کی جگہ دوپٹہ یا بڑا رومال رکھ لیں
،تصویر کا ذریعہGetty Images
نہانے کے لیے زیادہ تر ہوٹل اور گھر تولیے فراہم کرتے ہیں۔
اس لیے سامان میں ساحل پر تفریح کے لیے اضافی تولیہ رکھ کر سوٹ کیس کو نہ بھریں بلکہ اس کی جگہ ہلکی چادر یا دوپٹہ رکھ لیں۔
دوپٹہ یا بڑا رومال کم جگہ لیتا ہے اور جلدی خشک ہوتا ہے اور ساحل پر موسم بدلنے کی صورت میں اس کا استعمال کئی طرح سے کیا جا سکتا ہے۔
13. اپنے سوٹ کیس کو ذاتی پہچان دیں
،تصویر کا ذریعہGetty Images
سفر میں صرف پیکنگ ہی اہمیت کی حامل نہیں ہے۔ ہوائی اڈے پر سامان کی بیلٹ پر سینکڑوں سوٹ کیس کے درمیان اپنے سوٹ کو پہچاننا بھی ایک مرحلہ ہے۔
اس کی تلاش میں پریشان ہونے کے بجائے اس کے ہینڈل کے ساتھ کوئی چمکیلا ربن باندھ دیں یا پھر کوئی چمکیلا سٹیکر لگا دیں یا پھر پورے بیگ پر کوئی چمکیلی ربر کی پٹی لگا دیں تاکہ آپ اسے دور سے ہی بہ آسانی پہچان لیں اور جلدی سے ایئرپورٹ سے نکل جائیں۔
امید کہ آپ کے لیے یہ نسخے کارآمد ثابت ہوں اور آپ ان کی مدد سے اپنی چھٹیوں سے لطف اندوز ہوں!
