آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
نرسری کے بچوں کے تیار کردہ پرچے میں فیل ہونے پر اساتذہ فارغ
افریقی ملک نائیجریا میں ہزاروں اساتذہ کو پرچے میں فیل ہونے پر نوکریوں سے فارغ کر دیا گیا ہے۔
پرائمری جماعت کو پڑھانے والے یہ ٹیچرز چھ سال کے بچوں کے تیار کردہ امتحانی پرچے میں پاس نہیں ہو سکے۔
شمالی ریاست کے گورنر ناصر الروفی نے کہا کہ 21 ہزار 780 اساتذہ میں سے دو تہائی اپنے ہی زیر تعلیم بچوں کے امتحانی پرچے میں 75 فیصد نمبر حاصل کرنے میں ناکام رہے۔
انھوں نے بتایا کہ نوکری سے برخاست کیے گئے اساتذہ کی جگہ 25 ہزار نئی بھرتیاں کی جائیں گی۔
ریاست کے گورنر نے یہ بیان عالمی بینک کے نمائندوں سے ملاقات کے دوران دیا۔
نائیجریا کے روزنامے سے بات چیت میں انھوں نے کہا کہ 'ماضی میں سیاسی بنیادوں پر ٹیچرز کی بھرتیاں کی گئیں اور ہم انھیں نوجوان تعلیم یافتہ افراد کو ملازمت دینے سے بدلنا چاہتے ہیں۔ تاکہ ریاستی تعلیمی اداروں میں پرائمری سکول ٹیچر کی عزت بحال ہو سکے۔'
End of سب سے زیادہ پڑھی جانے والی
گورنر ناصر نے کہا کہ ریاست بھر میں استاد اور طالب علم کے تناسب کے مسئلے کو بھی حل کرنے کی ضرورت ہے۔
انھوں نے کہا کہ بعض علاقوں میں نو بچوں کو پڑھانے کے لیے ایک ٹیچر ہے اور بعض علاقوں میں سو بچوں کو پڑھانے کے لیے ایک ٹیچر ہے۔
