عمران خان کی قیادت میں ہی پاکستان کے کرکٹ ورلڈ کپ جیتا تھا

آئی سی سی کی صد سالہ تقریبات کے حوالے سے جاری کی جانے والی اس فہرست میں انگلینڈ کے بائیس کھلاڑیوں کے علاوہ ویسٹ انڈیز کے تیرہ، آسٹریلیا کے گیارہ، پاکستان اور بھارت کے تین تین، جنوبی افریقہ کے دو جبکہ نیوزی لینڈ کا ایک کھلاڑی شامل ہے۔

اس فہرست میں دورِ حاضر اور ماضی قریب کے کھلاڑیوں کو شامل نہیں کیا گیا ہے اور فہرست میں شامل کھلاڑیوں میں سب سے دیر میں ریٹائر ہونے والے کھلاڑی پاکستان کے جاوید میانداد ہیں جنہوں نے بارہ برس قبل سنہ 1996 میں ریٹائرمنٹ لی تھی۔

آئی سی سی نے ہال آف فیم میں شامل کھلاڑیوں کو ایک اعزازی ٹوپی بھی دینے کا اعلان کیا ہے اور آسٹریلیا کے سابق ٹیسٹ کرکٹر راڈنی مارش یہ اعزازی ٹوپی حاصل کرنے والے پہلے کھلاڑی بنے۔