 | | | سائمنڈز نے شاندار آل راؤنڈر کارکردگی کا مظاہرہ کیا |
آسٹریلیا کے شہر ہوبارٹ میں کامن ویلتھ بنک سیریز کے ایک میچ میں آسٹریلیا نے نیوزی لینڈ کو ایک سو پانچ رن سے شکست دے دی ہے۔ آسٹریلیا نے ٹاس جیت کر پہلے بیٹنگ کا فیصلہ کیا اور اوپنر ایڈم گلکرسٹ اور مڈل آرڈر آل راؤنڈر اینڈریو سائمنڈز کی نصف سنچریوں کی بدولت نیوزی لینڈ کو فتح کےلیے 290 رن کا ہدف فراہم کیا۔ گلکرسٹ نے دو چھکوں اور آٹھ چوکوں کی مدد سے اٹھہتر گیندوں پر اکسٹھ رن بنائے جبکہ سائمنڈز انہتر رن بنا کر آؤٹ ہوئے۔ نیوزی لینڈ کی جانب سے شین بونڈ نے وائٹ، سائمنڈز اور بریکن کو لگاتار تین گیندوں پر آؤٹ کر کے ہیٹ ٹرک مکمل کی۔ انہوں نے مجموعی طور پر چار جبکہ ایم گلیسپی نے دو کھلاڑیوں کو آؤٹ کیا۔ | | | شین بونڈ ہیٹ ٹرک کرنے والے بالروں کی صف میں شامل ہوگئے |
نیوزی لینڈ کی ٹیم کا آغاز اچھا نہ تھا اور اس کے دونوں اوپنر صرف سات کے مجموعی سکور پر پویلین لوٹ چکے تھے۔ تاہم آر ٹیلر نے پہلے کپتان سٹیفن فلیمنگ اور پھر فلٹن کے ساتھ مل کر اپنی ٹیم کو سہارا دیا۔ جب وہ بیاسی گیندوں پر چوراسی رن بنا کر آؤٹ ہوئے تو نیوزی لینڈ کا سکور چار وکٹ کے نقصان پر ایک سو اکسٹھ رن تھا۔ نیوزی لینڈ کے بقیہ کھلاڑ،ی کسی قابلِ ذکر کارکردگی کا مظاہرہ نہ کر سکے اور بقیہ چھ وکٹیں مجموعی سکور میں صرف تئیس رن کے اضافے کے بعدگرگئیں۔ آسٹریلیا کی جانب سے تمام بالروں نے عمدہ بالنگ کا مظاہرہ کیا اور جونسن کلارک اور سائمنڈز نے دو، دو جبکہ ہلفیناس، وائٹ اور بریکن نے ایک،ایک وکٹ حاصل کی۔ کامن ویلتھ بنک سیریز میں اب تک آسٹریلیا نے اپنے دونوں میچ جیتے ہیں جبکہ انگلینڈ اور نیوزی لینڈ کی ٹیمیں فی الحال فتح سے محروم ہیں۔ | 
سڈنی: آسٹریلیا نے انگلینڈ کو ہرا دیا
