عبدالرشید شکور
بی بی سی اردو ڈاٹ کام، کراچی |  |
| | | کراچی میچ سے قبل وہ اس سنگ میل سے صرف25 رنز کی دوری پر تھے |
ویسٹ انڈیز کے کپتان برائن لارا نے پاکستان کے خلاف کراچی میں ہونے والے پانچویں ون ڈے انٹرنیشنل میں ون ڈے کریئر کے دس ہزار رنز مکمل کرلیے۔ اس میچ سے قبل وہ اس سنگ میل سے صرف25 رنز کی دوری پر تھے۔ برائن لارا ون ڈے انٹرنیشنل کرکٹ میں دس ہزار رنز تک پہنچنے والے پانچویں کرکٹر ہیں۔ ان سے قبل سچن تندولکر، انضمام الحق، سنتھ جے سوریا اور سوروگنگولی یہ اعزاز حاصل کرچکے ہیں۔ سچن تندولکر سب سے زیادہ 374 ون ڈے سب سے زیادہ14537 رنز اور سب سے زیادہ 40 سنچریوں کے مالک ہیں۔ انضمام الحق نے کراچی کے میچ سے قبل369 میچوں میں11591 رنز بنائے ہیں۔ سنتھ جے سوریا کے370 میچوں میں11260 رنز ہیں۔ سوروگنگولی نے279 میچوں میں10123 رنز اسکور کئے ہیں جبکہ برائن لارا نے287 میچز کھیل کر10019 رنز بنائے ہیں۔ دلچسپ بات یہ ہے کہ برائن لارا نےنومبر انیس سو نوے میں اپنا اولین ون ڈے انٹرنیشنل بھی اسی نیشنل سٹیڈیم کراچی میں کھیلا تھا جس میں انہوں نے گیارہ رنز بنائے تھے۔ | 
سب سےزیادہ رنز بنانے والےلارا
