اوپنر وسیم جعفر صرف نو رن پر ہی آؤٹ ہوگئے

میچ کا سکور کارڈ

جب کھیل ختم ہوا تو سورو گنگولی اور مہندر سنگھ دھونی کریز پر موجود تھے۔

بھارت کے افتتاحی بلے باز وسیم جعفر اور وریندر سہواگ محض چودہ رن کےسکور پر آؤٹ ہوگئے لیکن بعد میں سچن تندولکر اور راہول ڈراوڈ نے ٹیم کو سنبھالا دیا۔ تندولکر چوالیس جبکہ ڈراوڈ بتیس رن بنا کر آؤٹ ہوئے۔ بھارت کے آؤٹ ہونے والے آخری کھلاڑی لکشمن تھے جو اٹھائیس رن بنا سکے۔

جنوبی افریقہ کی جانب سے کیلس اور مکھایا نیٹینی نے دو، دو جبکہ شان پولک نے ایک وکٹ حاصل کی۔

بھارتی کپتان راہول ڈراوڈ نے ٹاس جیت کے پہلے بلے بازی کا فیصلہ کیا تھا۔ لیکن پچ پر نمی کے سبب کھیل تقریباً ڈیڑھ گھنٹے کی تاخیر سے شروع ہوا۔

پہلے ٹیسٹ کے لیے بھارت نے ٹیم میں گنگولی اور لکشمن جیسے دو تجربہ کار بلے باز شامل کیے ہیں اور ڈراوڈ کی بھی انجری کے بعد واپسی ہوئی ہے۔ سابق کپتان سوروگنگولی نےگزشتہ فروری کے بعد پہلا ٹیسٹ میچ کھیل رہے ہیں۔

جنوبی افریقہ کی ٹیم ون ڈے سیریز چار صفر سے جیت چکی ہے ۔

جنوبی افریقہ کی ٹیم گریم سمتھ، (کپتان) ہرشل گبس، ہاشم آملہ، جیاک کالس، اشویل پرنس، اے بی ڈیویلرز، مارک باوچر، شان پولک، انڈر نیل، مکھایا انٹنی اور ڈیل اسٹن پر مشتمل ہے۔

بھارتی ٹیم راہول ڈراوڈ، (کپتان) وریندر سہواگ، وسیم جعفر، گوتم گمبھیر، سچن تندولکر، وی وی ایس لکشمن، سوروگنگولی، مہندر سنگھ دھونی، مناف پٹیل، انل کمبلے اور ظہیرخان پر مشتمل ہے۔

امپائرنگ کی ذمہ داری ایم آر بینسن اور ڈی جے ہارپر نبھا رہے ہیں۔