ریحانہ بستی والا بی بی سی اردو ڈاٹ کام‘ ممبئی

	عطاء پر پابندی سن دو ہزار میں لگی تھی

عطاء پر سن دو ہزار میں میچ فکسنگ کے معاملہ میں عمر بھر کرکٹ کھیلنے پر پابندی عائد کی تھی۔

آئی سی سی کے اس فیصلہ سے انڈیا کے سابق کپتان اور مشہور کھلاڑی اظہرالدین کا کیس مضبوط ہو جاتا ہے۔اظہر پر بھی میچ فکسنگ کے معاملہ میں عمر بھر کرکٹ کھیلنے پر پابندی عائد تھی۔ اظہر نے اس فیصلہ کو عدالت میں چیلنج کیا ہے۔ آئی سی سی کے اس فیصلہ سے نہ صرف اظہر کی واپسی کے امکانات روشن ہو چکے ہیں بلکہ ان کا کیس عدالت میں بھی مضبوط ہو جائے گا۔

حال ہی میں بی سی سی آئی نے اظہرالدین کی جانب اپنا رویہ نرم کر دیا ہے جس کا اظہار اس بات سے بھی ہوتا ہے کہ سنیچر کے روز اعزاز دینے کے لئے دیگر سابق کپتانوں کے ساتھ انہیں بھی مدعو کیا گیا ہے۔