عبدالرشید شکور بی بی سی اردو ڈاٹ کام، کراچی

	راؤافتخار نے 18 ون ڈے میچوں میں بارہ وکٹیں لی ہیں

پی سی بی کے ڈائریکٹر آپریشنز عباس زیدی نے بی بی سی سے بات کرتے ہوئے اس اطلاع کی تصدیق کی کہ توفیق عمر اور راؤ افتخار کو انگلینڈ بھیجا جارہا ہے۔

یہ اطلاعات بھی ہیں کہ محمد آصف اور شعیب ملک انگلینڈ کے دورے سے باہر ہوگئے ہیں اور وہ علاج کے لیئے وطن واپس آرہے ہیں۔

وکٹ کیپر کامران اکمل بھی مکمل فٹ نہیں ہیں اور توفیق عمر کو انگلینڈ بھیجنے کا مقصد ضرورت پڑنے پر انہیں وکٹ کیپر کے طور پر استعمال کرنا بھی ہے۔

توفیق عمر نے24 ٹیسٹ اور 19 ون ڈے میں پاکستان کی نمائندگی کی ہے۔ وہ ٹیسٹ کرکٹ میں چار سنچریاں بھی بناچکے ہیں۔

راؤ افتخار نے ایک ٹیسٹ کھیلا ہے البتہ وہ اٹھارہ ون ڈے میچوں میں بارہ وکٹیں حاصل کرچکے ہیں۔