فراز ہاشمی بی بی سی اردو ڈاٹ کام، لاہور

	سلیکشن کمیٹی کے سربراہ آفریدی کی غیر ذمہ دارانہ حرکت پر حیران ہیں

شاہد آفریدی پر فیصل آباد ٹیسٹ کے دوران وکٹ کو نقصان پہچانے کی پاداش میں ایک ٹیسٹ اور دو ایک روزہ میچوں میں کھیلنے پر پابندی عائد کر دی گئی تھی۔

شاہد آفریدی پاکستان ٹیم کی طرف سے ایک روزہ میچوں میں اوپنگ کرتے رہے ہیں۔ ان پر پابندی لگ جانے کے بعد ان کی جگہ کامران اکمل کو اوپننگ پوزیشن پر کھلایا گیا اور دوسرے ایک روزہ میچ میں انہوں نے شاندار سنچری بنائی۔

میچ کے بعد پریس کانفرس کرتے ہوئے کامران اکمل نے کہا کہ انہیں جس پوزیش پر بھی کھلایا گیا وہ کھیلنے کے لیے تیار ہیں۔

یاد رہے کہ شاہد آفریدی پر انٹرنیشنل کرکٹ کونسل نے فیصل آباد ٹیسٹ کے دوسرے دن پچ کو نقصان پہنچانے کے جرم میں ایک ٹیسٹ میچ اور دو ون ڈے میچ کھیلنے پر پابندی عائد کی ہے۔