عبدالرشید شکور بی بی سی اردو ڈاٹ کام، راولپنڈی

	میتھیو ہوگارڈ اور ایشلے جائلز ایک زخمی بچے کے ساتھ کھیل رہے ہیں

مائیکل وان کے ہمراہ مارکس ٹریسکوتھک، میتھیو ہوگارڈ اور ایشلے جائلز تھے۔

ان کھلاڑیوں نے پمس میں پون گھنٹہ گزارا اور سرجیکل وارڈ میں زیرعلاج کچھ بچوں کی خیروخیریت دریافت کی۔

جب یہ کھلاڑی عیادت کرکے ہسپتال سے باہر آرہے تھے تو ٹریسکوتھک اور ہوگارڈ کی آنکھوں سے آنسو رواں تھے۔

	مائیکل وان ڈاکٹروں سے باتیں کر رہے ہیں

انگلینڈ کی کرکٹ ٹیم کے کھلاڑی زلزلہ زدگان کی امداد کے لیے چار دسمبر کو لاہور میں ایک نمائشی گالف ٹورنامنٹ میں حصہ لینے کا بھی اعلان کر چکے ہیں۔

تاہم انگلینڈ کے کپتان کا کہنا ہے کہ امدادی کاموں میں ابھی بہت کچھ کرنے کی ضرورت ہے۔

وان نے کہا کہ ’یہ ضروری ہے کہ سردی کے آنے سے پہلے زلزلے کے علاقے میں ان لوگوں کی حالتِ زار کو نہ بھولا جائے جنہیں کمبل اور ٹینٹ چاہئیں‘۔

پاکستان اور انگلینڈ کے کرکٹ بورڈز لاہور میں کھیلے جانے والے پہلے ون ڈے کی گیٹ منی کو امدادی فنڈ میں دینے کا پہلے ہی اعلان کرچکے ہیں۔