برینکر سنہ 2003 میں انتظامی کمیٹی کے سربراہ بنے تھے

بارباڈوس اور ویسٹ انڈیز کے سابق کھلاڑی برینکر نے ویسٹ انڈیز کرکٹ بورڈ کے اجلاس میں مستعفٰی ہونے کا اعلان کیا۔

ویسٹ انڈیز کرکٹ بورڈ کے سربراہ کین گورڈن نے ان کا استعفٰی منظور کر لیا ہے۔ گورڈن نے سنہ 2007 کے ورلڈ کپ کے انعقاد کے لیے برینکر کی کوششوں کا بھی شکریہ ادا کیا۔

برینکر سنہ 2003 میں انتظامی کمیٹی کے سربراہ بنے تھے اور انہوں نے اپنے استعفے کی وجہ بتانے سے انکار کیا ہے۔ برینکر کے جانشین کے طور پر ابھی کسی کا تقرر نہیں کیا گیا ہے۔

ویسٹ انڈیز کرکٹ بورڈ کا کہنا ہے کہ مذکورہ اجلاس میں شریک کئی نان ایگزیکٹو ڈائریکٹروں نے بھی اپنے عہدے چھوڑنے کا اعلان کیا۔ ان سینٹ کٹس میں کرکٹ بورڈ کے اگلے اجلاس میں خالی ہو جانے والی عہدوں پر نئے افراد کی تقرری کا فیصلہ کیا جائے گا۔