 |  راہول ڈراویڈ نے ننانوے رنز بنائے |
انڈیا نے کراچی میں ایک سنسنی خیز مقابلے کے بعد پاکستان کو پانچ رنز سے ہرا دیا ہے۔ پاکستان کی ٹیم نے انڈیا کے تین سو انچاس رنز کے جواب میں پچاس اوور میں آٹھ وکٹوں کے نقصان پر تین سو چوالیس رنز بنائے۔ میچ کو شائقین کی بہت بڑی تعداد نے دیکھا جنہوں نے جیتنے والی ٹیم کو زبردست داد دی۔ پاکستان کی طرف سے کپتان انضمام الحق نے ایک سو بائیس رنز بنائے جبکہ انڈیا کی طرف سے راہول ڈراویڈ نے سب سے زیادہ ننانوے رنز بنائے۔ انضمام کی اننگز میں بارہ چوکے اور دو چھکے شامل تھے۔ پاکستان کی طرف سے عمران فرحت اور یاسر حمید نے بیٹنگ کا آغاز کیا۔ یاسر حمید سات رنز پر آؤٹ ہوئے اور عمران فرحت چوبیس رنز بنا کر۔ یوسف یوحنا تہتر رنز کی شاندار اننگز کے بعد سہواگ کی بالنگ پر آؤٹ ہوئے۔ ان کی اننگز میں چار چھکے اور پانچ چوکے شامل تھے۔ اس وقت شعیب ملک اور معین خان بیٹنگ کر رہے ہیں۔ پاکستان کی دوسری وِکٹ چونتیس، تیسری ایک سو انہتر پر، چوتھی دو سو اٹھتر، پانچویں تین سو پانچ پر اور چھٹی تین سو بائیس پر گری۔ اس سے قبل انڈیا نے اپنے پاس اورز میں تین سو انچاس رنز کا سکور کیا۔ اس کی طرف سے سب سے زیادہ سکور راہول ڈراویڈ نے کیا جنہوں نے ننانوے رنز بنائے۔ | 
یہ صفحہ دوست کو ای میل کیجیئے
پرِنٹ کریں
