انگلینڈ کے چار وکٹوں پر 314 رنز

پاکستان اور انگلینڈ کے درمیان چار ٹیسٹ میچوں کی سیریز کے دوسرے کرکٹ میچ کے پہلے دن کے اختتام پر انگلینڈ نے چار وکٹوں کے نقصان پر 314 رنز بنائے ہیں۔

دن کے اختتام پر روٹ کے ساتھ ووکس کریز پر موجود ہیں۔

مانچسٹر کے اولڈ ٹریفرڈ کے میدان میں کھیلے جانے والے میچ میں انگلینڈ کے کپتان کک کے بعد روٹ نے بھی اپنی سنچری مکمل کی۔

٭ <link type="page"><caption> میچ کا تفصیلی سکور کارڈ</caption><url href="http://www.bbc.co.uk/sport/cricket/scorecard/ECKP90215" platform="highweb"/></link>

٭ اولڈ ٹریفرڈ ٹیسٹ میچ کا پہلا دن تصاویر میں

٭ پاکستان چھ برس بعد انگلینڈ میں: خصوصی ضمیمہ

انگلینڈ کی چوتھی وکٹ بیلنس کی گری جو راحت علی کی گیند پر بولڈ ہو گئے۔ راحت کی میچ میں دوسری وکٹ تھی۔

ونس 18 کےسکور پر راحت کی گیند پر اپنا کیچ وکٹ کیپئر کو دے بیٹھے۔ اس سے پہلے 6 کے سکور پر محمد عامر کی گیند پر ونس کا ایک آسان کیچ سلپ میں یونس خان نے چھوڑ دیا تھا۔

چائے کے وقفے سے پہلے پاکستان کو دوسری کامیابی بھی محمد عامر نے کک کو آؤٹ کر کے دلائی جو 105 رنز بنا کر بولڈ ہو گئے۔

25 کے مجموعی سکور پر ہیلز کے آؤٹ ہونے کے بعد کپتان کک نے روٹ کے ساتھ پاکستانی بولرز کو اعتماد کے ساتھ کھیلتے ہوئے ٹیم کے سکور کو 210 رنز تک پہنچا دیا۔

کک نے 157 گیندوں پر محمد عامر کے اوور میں اپنے ٹیسٹ کریئر کی 29ویں سنچری مکمل کی۔

پاکستان نے 13 اوورز بعد ہی فاسٹ بولنگ کے ساتھ سپن بولر یاسر کو آزمانے کا فیصلہ کیا لیکن وہ 17 اوورز میں وکٹ حاصل نہیں کر سکے۔

انگلینڈ نے ٹاس جیت کر پہلے بلے بازی کا فیصلہ کیا اور الیسٹر کک اور ایلکس ہیلز نے اننگز شروع کی۔

محمد عامر کی گیند پر ایلکس ہیلز کا کیچ اسد شفیق نے چھوڑ دیا اور اس کے فوری بعد عامر کی اندر آتی ایک گیند کو ایلکس ہیلز بالکل سمجھ نہیں سکے اور بولڈ ہو گئے۔

ٹاس جیتنے کے بعد الیسٹر کک کا کہنا تھا کہ ’پچ پر تھوڑی بہت گھاس ہے لیکن زیادہ نہیں۔گراؤنڈز مین نے ایک اچھی پچ تیار ہے۔ ہمارے پاس کچھ غلطیوں کو سدھارنے اور پاکستان کو دباؤ میں لانے کا موقع ہے۔‘

اس موقع پر مصباح الحق کا کہنا تھا کہ چاہے آپ پہلے بلے باز کریں یا بولنگ۔بات منظم انداز میں کھیلنے کی ہے۔

انھوں نے کہا کہ پاکستانی بولر پہلے سیشن میں وکٹ سے فائدہ اٹھانے کی کوشش کریں گے۔

پاکستانی ٹیم اس میچ کے لیے کسی تبدیلی کے بغیر میدان میں اتری ہے جبکہ انگلینڈ نے اپنی ٹیم میں دو تبدیلیاں کی ہیں۔

انگلش فاسٹ بولر <link type="page"><caption> جیمز اینڈرسن اور آل راؤنڈر بین سٹوکس یہ میچ کھیل رہے ہیں </caption><url href="http://www.bbc.com/urdu/sport/2016/07/160719_eng_pak_2nd_test_squad_sh" platform="highweb"/></link>اور انھوں نے سٹیون فن اور جیک بال کی جگہ لی ہے۔

جیمز اینڈرسن اور سٹوکس کے بارے میں ٹاس جیتنے کے بعد انگش کپتان نے کہا کہ ’جمی ایک بہترین بولر ہے۔ بین سٹوکس ایک ایسا کھلاڑی ہے جسے بہت سارے اپنی ٹیم میں شامل کرنا چاہیں گے۔‘

چار ٹیسٹ میچوں کی سیریز میں پاکستان کو ایک صفر کی برتری حاصل ہے جو اسے لارڈز میں کھیلے گئے میچ میں<link type="page"><caption> 75 رنز سے فتح کے نتیجے میں حاصل ہوئی تھی۔</caption><url href="http://www.bbc.com/urdu/sport/2016/07/160717_pak_england_day4_sh" platform="highweb"/></link>

پاکستان کی جیت میں یاسر شاہ کی دس وکٹوں اور کپتان مصباح الحق کی سنچری نے کلیدی کردار ادا کیا تھا۔

اولڈ ٹریفرڈ انگلینڈ کی ٹیم کا مضبوط گڑھ رہا ہے۔ سنہ 2001 میں پاکستان سے ٹیسٹ ہارنے کے بعد میزبان ٹیم اس میدان پر نو میں سے سات ٹیسٹ میچ جیتنے میں کامیاب ہوئی ہے اور دو ڈرا ہوئے ہیں۔