بھارت کو دو وکٹوں سے شکست

بھارت اور ویسٹ انڈیز کے مابین دوسرے ایک روزہ میچ میں ویسٹ انڈیز دو وکٹوں سے جیت گیا ہے۔

وشاکا پٹنم میں کھیلے جانے والے اس میچ میں ویسٹ انڈیز نے ٹاس جیت کر بھارت کو پہلے کھیلنے کی دعوت دی۔

بھارت نے مقررہ 50 اوورز میں سات وکٹوں کے نقصان پر 288 رنز بنائے۔

جواب میں ویسٹ انڈیز نے 289 رنز کا ہدف آٹھ وکٹوں کے نقصان 49.3 اوورز میں حاصل کر لیا۔

ویسٹ انڈیز کے سیمی 63 رنز بنا کر سب سے کامیاب بلے باز رہے۔

بھارت کی اننگز میں کوہلی 99 رنز بنا کر نمایاں بلے باز رہے جبکہ کپتان دھونی 51 پر ناٹ آؤٹ رہے۔

ویسٹ انڈیز کے رام پال نے چار وکٹیں حاصل کیں۔

اس میچ کے لیے بھارتی ٹیم میں ایک تبدیلی کی گئی ہے اور جے دیو کی جگہ موہت شرما کو کھلایا گیا۔

ویسٹ انڈیز نے بھی دو تبدیلیاں کی ہیں زخمی اوپنر کرس گیل کی جگہ کیرن پاول کو ٹیم میں شامل کیا گیا جبکہ سپنر وی پرمول نے دیو نرائن کی جگہ یہ میچ کھیلا۔

سیریز ایک ایک سے برابر ہو گئی ہے۔کوچی میں کھیلے گئے میچ میں بھارت نے ویسٹ انڈیز کو چھ وکٹوں سے ہرایا تھا۔