آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
ریما جوفالی: سعودی خاتون فارمولہ کار ریسنگ میں حصہ لیں گی
سعودی عرب میں خواتین پر ڈرائیونگ کی پابندی کے خاتمے کے بعد پہلی سعودی خاتون برطانوی فارمولا فور کار ریس میں حصہ لیں گی۔
27 سالہ ریما جوفالی دفاعی چیمپیئن ڈبل ریسنگ میں لوئس فوسٹر اور سباسچین الواریز کے ہمراہ ڈرائیو کریں گی۔
جب سعودی عرب نے 2018 میں پہلی بار عورتوں کو ڈرائیونگ کی اجازت دی تو اس کے چند ماہ بعد ہی ریما جوفالی نے کار ریسنگ کے مقابلوں میں حصہ لینا شروع کر دیا۔
جدہ میں پیدا ہونے والی ریما جوفالی نے کہا کہ اپنے ملک کی نمائندگی کرنا ان کے لیے اعزاز کی بات ہے۔
سعودی عرب نے عشروں بعد 2018 میں عورتوں کی ڈرائیونگ سے پابندی ہٹائی اور عورتوں کو ڈرائیونگ لائسنس جاری کرنے شروع کیے ہیں۔
End of سب سے زیادہ پڑھی جانے والی
پابندی اٹھائے جانے کے پانچ ماہ بعد ریما جوفالی نے دو سیٹوں والی کار میں ریسنگ شروع کی اور پھر ایک سیٹ والی کار ریسنگ میں شریک ہو گئیں۔
وہ کہتی ہیں ’اس تقابلی چیمپئن شپ کی وجہ سے یہ سال بہت مشکل رہے گا لیکن میں اس چیلنج کے لیے تیار ہوں۔`
