آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
ساؤتھ ہیمپٹن ٹیسٹ: انگلینڈ کو 233 رنز کی برتری، آٹھ کھلاڑی آؤٹ
ساؤتھ ہیمپٹن میں انگلینڈ اور انڈیا کے درمیان چوتھے ٹیسٹ میچ کے تیسرے دن کے اختتام پر انگلینڈ کو دوسری اننگز میں مجموعی طور پر 233 رنز کی برتری حاصل ہوگئی ہے جبکہ اس کی دو وکٹیں باقی ہیں۔
تیسرے دن جب کھیل ختم ہوا تو اس وقت انگلینڈ کا دوسری اننگز کا سکور 260 رنز آٹھ کھلاڑی آؤٹ تھا۔
انگلینڈ کی آٹھویں وکٹ دن کے آخری اوور میں گری جب محمد شامی نے عادل رشید کو آؤٹ کیا، انھوں نے صرف 11 رنز بنائے تھے۔
انگلینڈ کی دوسری اننگز میں وکٹ کیپر جوز بٹلر نے اہم کردار ادا کیا جو ابتدائی نقصان کے بعد عمدہ کھیلتے ہوئے سکور کو 233 تک لے گئے۔ انھیں ایشانت شرما نے میچ کے 85 ویں اوور نے ایل بی ڈبلیو آؤٹ کیا۔ انھوں نے 69 رنز بنائے۔
کھانے کے وقفے تک انگلینڈ نے اپنی دوسری اننگز میں تین وکٹوں کے نقصان پر 92 رنز بنائے تھے۔ کیٹن جیننگز لنچ سے پہلے آخری اوور میں آؤٹ ہوئے جبکہ ان کے بعد آنے والے بیئرسٹو لنچ کے بعد پہلی ہی گیند ہر آؤٹ ہو گئے۔ دونوں کو محمد شامی نے آْؤٹ کیا۔ اس طرح انھوں نے دو گیندوں پر دو وکٹ حاصل کیے۔
انگلینڈ کو بڑا دھچکہ اس وقت لگا جب وکٹ پر سیٹ جو رووٹ 48 رنز بنا کر رن آؤٹ ہو گئے۔ اس سے قبل آؤٹ ہونے والوں میں ایلیسٹیئر کک، معین علی اور کیٹن جیننگز شامل تھے۔
انگلینڈ کے آؤٹ ہونے والے چھٹے کھلاڑی بین سٹوکس تھے جو ایشون کی گیند پر ریحانے کے ہاتھوں کیچ آؤٹ ہوئے۔
End of سب سے زیادہ پڑھی جانے والی
دوسری اننگز میں انڈیا کی جانب سے محمد شامی نے تین، ایشانت شرما نے دو جبکہ جسپریت بمراہ اور ایشون نے ایک ایک وکٹ حاصل کی۔
اس سے قبل انڈیا نے پجارا کی ایک عمدہ اننگز کی بدولت انگلینڈ کے پہلی اننگز کے سکور 246 رنز کے جواب میں 273 رنز بنائے تھے۔ پجارا 132 رنز بنا کر ناٹ آؤٹ رہے۔
انڈیا کی طرف سے پجارا اور کوہلی ہی قابل ذکر رنز بنا سکے۔
اس بارے میں مزید پڑھیے
انگلینڈ کے معین علی نے 63 رنز دے کر انڈیا کے پانچ کھلاڑیوں کو آؤٹ کیا۔
انگلینڈ نے اپنی پہلی اننگز میں 246 رنز بنائے تھے۔
پانچ میچوں کی اس سیریز میں انگلینڈ کو دو ایک سے برتری حاصل ہے۔
