آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
پرتھ ٹیسٹ میں آسٹریلیا کا جارحانہ آغاز
پرتھ میں کھیلے جانے والے پہلے ٹیسٹ میچ کے پہلے دن کے کھیل کے اختتام پر آسٹریلیا نے جنوبی افریقہ کے خلاف بغیر کسی نقصان کے 105 رنز بنا لیے۔
پہلے دن کے کھیل کے اختتام پر ڈیوڈ وارنر اور شان مارش بالترتیب 73 اور 29 رنز کے ساتھ کریز پر موجود تھے۔
میزبان ٹیم کی جانب سے ڈیوڈ وارنر اور شان مارش نے اننگز کا آغاز کیا۔
ڈیوڈ وارنر نے جارحانہ بیٹنگ کا مظاہرہ کرتے ہوئے 13 چوکوں اور ایک چھکے کی مدد سے 73 رنز بنائے۔
اس سے پہلے جنوبی افریقہ کی پوری ٹیم پہلی اننگز میں 242 رنز بنا کر آؤٹ ہو گئی تھی۔
مہمان ٹیم کی جانب سے سٹیون کک اور ڈین ایلگر نے اننگز کا آغاز کیا۔
جنوبی افریقہ کے پہلے پانچ کھلاڑی صرف 81 رنز کے مجموعی سکور پر پویلین لوٹ گئے۔
End of سب سے زیادہ پڑھی جانے والی
جنوبی افریقہ کے آؤٹ ہونے والے کھلاڑیوں میں سٹیون کک نے صفر، ڈین ایلگر نے 12، ہاشم آملہ نے صفر، جب کہ جے پی ڈومینی نے 11 رنز بنائے۔
ابتدائی نقصان کے بعد جنوبی افریقہ کے کوئنٹن ڈی کاک اور ٹیمبا بووما نے ذمہ دارانہ بیٹنگ کا مظاہرہ کیا۔
کوئنٹن ڈی کاک نے 11 چوکوں اور ایک چھکے کی مدد سے 84 جب کہ ٹیمبا بووما نے سات چوکوں کی مدد سے 51 رنز بنائے۔
آسٹریلیا کی جانب سے مچل سٹارک نے چار، جوش ہیزل وڈ نے تین، نیتھن لیون نے دو اور پیٹر سڈل نے ایک کھلاڑی کو آؤٹ کیا۔
جعرات کو شروع ہونے والے پہلے ٹیسٹ میں جنوبی افریقہ نے ٹاس جیت کر پہلے بیٹنگ کرنے کا فیصلہ کیا تھا۔
