2017 کی بہترین فلکیاتی تصاویر

اس سال کی فلکیاتی تصاویر کے مقابلے کی چند فاتح تصاویر، جن میں آرٹیم میرونوف کی یہ گرد و غبار کے بادل کی تصویر پہلا انعام بٹورنے میں کامیاب ہو گئی۔

ستارے اور گیس کے بادل

میرونوف نے ستارے اور گیس کے بادل کی زمرے میں پہلے انعام کے ساتھ ساتھ مجموعی طور پر بھی پہلے نمبر پر آتے ہوئے انسائٹ ایسٹرونومر آف دا ایئر 2017 کا انعام حاصل کیا۔ انھوں نے یہ تصویر افریقی ملک نمیبیا میں کھینچی۔ یہ بادل زمین سے 400 نوری سال کے فاصلے پر واقع ہے۔

ہم دن کو 24 گھنٹوں کا سمجھتے ہیں لیکن اس کی اصل مدت 23 گھنٹے، 56 منٹ اور چار سیکنڈ بنتی ہے، کیونکہ یہ وہ وقت ہے جو زمین کو اپنے محور پر ایک چکر پورا کرنے میں لگتی ہے۔

اس تصویر میں اس دورانیے میں ستاروں کی گردش دکھائی گئی ہے۔ ستارے رات کو دائرے میں گھومتے ہیں۔ اس تصویر میں کیمرے کا شٹر کھلا رکھ کر ان کی حرکت کو ریکارڈ کیا گیا ہے۔

اینڈراس پراپ کی اس تصویر کو دوسرا انعام ملا۔

قطبی روشنیاں

مکیل بائٹر نے گذشتہ اکتوبر میں آئس لینڈ میں قطبی روشنیوں کی یہ تصویر لے کر اس کے زمرے میں پہلا انعام حاصل کیا۔

قطبی روشنیوں کے زمرے میں دوسرا انعام کپل نوریو نے حاصل کیا۔ یہ تصویر انھوں نے سائبیریا کے ایک جنگل میں کھینچی۔

کہکشائیں

اولیگ بریگالوف نے چکردار کہکشاں میسییر 63 کی یہ شاندار تصویر لی۔

یہ تصویر لینے کے لیے انھیں بلغاریہ کا سفر کرنا پڑا۔

برائزاکوف کو یہ تصویر کھینچنے کے لیے بارش اور برف سے مقابلہ کرنا پڑا۔

برنارڈ ملر نے این جی سی 7331 نامی اس کہکشاں کی تصویر کھینچی جو زمین سے چار کروڑ نوری سال کے فاصلے پر واقع ہے۔

ہمارا چاند

یہ فاتح تصویر چاند کی سطح کی زبردست منظر کشی کرتی ہے۔ اس میں جو گڑھے نظر آ رہے ہیں وہ دس کروڑ سال پرانے ہیں۔

اس زمرے میں دوسرے نمبر پر آنے والی یہ تصویر ڈیلپلیکش بوریل نے کھیچی۔

ہمارا سورج

نو مئی 2016 کو سیارہ عطارد سورج کے آگے سے گزرا، جسے الیگزینڈرا ہارٹ نے اپنے کیمرے میں محفوظ کر لیا۔ عطارد اس تصویر میں ایک سیاہ دھبہ دکھائی دے رہا ہے۔

لوگ اور خلا

یوری زویزدنی کی اس تصویر میں لوگوں کو ارجنٹینا میں کہکشاں کا نظارہ کرتے دکھایا گیا ہے۔

اس زمرے میں دوسرے نمبر پر آنے والی تصویر جو کرٹ لاسن نے کیلی فورنیا کی یوسیمیٹی نیشنل پارک میں لی۔

تصویر میں ایک جو روشنی نظر آ رہی ہے جو ایک کوہ پیما ہے جو چوٹی پر چڑھ رہا ہے۔

سیارے، سیارچے

راجر ہچنسن نے سیارہ زہرہ کی یہ تصاویر چھ ماہ کے عرصے میں لیں جن میں زہرہ کا چاند کی طرح گھٹنا بڑھنا ریکارڈ کیا گیا ہے۔

آسمان

ژونگ وو کی اس تصویر میں مائلی برفانی کوہستان نظر آ رہا ہے، جو چین کے صوبے یونان کا بلند ترین پہاڑ ہے۔

یہ پہاڑ بودھوں کے نزدیک مقدس گردانا جاتا ہے۔

تصاویر بشکریہ انسائٹ ایسٹرانومی فوٹوگرافر آف دا ایئر۔