امریکی صدر بنکر میں پناہ لینے پر مجبور ہوئے۔

تین سال پہلے گیارہ ستمبر کے واقعے کے بعد امریکی صدر پہلی دفعہ دہشت گردی کے خطرے کی وجہ سے بنکر( خندق) میں پناہ لینے پر مجبور ہوئے۔

وائٹ ہاؤس میں اس وقت سیکیورٹی کو چوکس کر دیا گیا جب ’ریڈار‘ نے ایک ہوائی جہاز کے ممنوعہ فضائی حدود میں گھس آنے کی نشاندھی کی۔

نائب صدر ڈک چنی کو بھی محفوظ مقام پر پہنچایا گیا۔

بعد میں پتا چلا کہ ریڈار پر نظر آنے والا جہاز نہیں بلکہ ریڈار کی خرابی کی وجہ سے ایک نقطہ نظر آ گیا تھا۔

وائٹ ہاؤس کی سیکیورٹی پوری طرح حرکت میں آ گئی۔ تمام سٹاف کو دفتر سے باہر نکال لیاگیا اور وائٹ ہاؤس میں آنے والے سیاحوں کو وہاں سے بھاگنے پر مجبور کر دیا گیا۔

خفیہ ایجنسیوں کے مسلح اہلکاروں نے وائٹ ہاؤس کے ارگرد مورچے سنبھال لیے اور ہیلی کاپٹروں نےفضا میں پرواز شروع کر دی۔