 |  کوفی عنان کا تعلق افریقی ملک گھانا سے ہے |
اقوامِ متحدہ کے سیکریٹری جنرل کوفی عنان کو عراق کو تیل برائے خوراک کے منصوبے میں رشوت کے الزامات سے بری کر دیا گیا ہے۔ انکوائری کمیشن نے اپنی عبوری رپورٹ میں اقوام متحدہ کے سیکریٹری جنرل کوفی عنان کو بری الزمہ قرار دیا۔ البتہ رپورٹ میں سیکریٹری جنرل کو اپنے بیٹے کے خلاف خود انکوائری کرنے پر تنقید کا نشانہ بنایا۔ کوفی عنان پر الزام تھا کہ ان کے بیٹے نے ایک کمپنی کوٹیکنا سے تیل برائے خوراک کے منصوبے کے ٹھیکہ دلانے کے بدلے رقم لی تھی۔ کوفی عنان نے کمیشن کی رپورٹ پر اپنے رد عمل ظاہر کرتے ہوئے کہا کہ ان کا یقین تھا کہ وہ بے گناہ قرار پائیں گے کیونکہ انہوں کوئی غلط کام کیا ہی نہیں تھا۔ امریکی وائٹ ہاؤس کے ترجمان نے کہا کہ امریکہ اقوام متحدہ میں کوفی عنان کے کام کی مدد جاری رکھے گا۔ اقوامِ متحدہ کے تیل برائے خوراک منصوبے کے تحت1996 سے 2003 کی دوران عراق کو اجازت دی گئی تھی کہ وہ بین الاقوامی پابندیوں کی موجودگی میں تیل کی فروخت کے عوض اشیائے خوردونوش خرید سکتا ہے۔ | 
یہ صفحہ دوست کو ای میل کیجیئے
پرِنٹ کریں
