ابھی پولنگ سٹیشنوں کے مقامات کو خفیہ رکھا جارہا ہے

یہ بیلٹ باکس انتہائی سخت سکیورٹی انتظامات کے ساتھ مختلف پولنگ سٹیشنوں میں تقسیم کیے جارہے ہیں۔ ابھی پولنگ سٹیشنوں کے مقامات کو خفیہ رکھا جارہا ہے۔

انتخابات کی تیاریوں کے دوران بھی پر تشدد کارروائیوں میں کوئی کمی نہیں آئی ہے۔ جمعرات ہی کو مختلف واقعات میں کم از کم سات افراد ہلاک ہوئے ہیں۔

پر تشدد کارروائیوں میں اضافہ دیکھنے میں آیا ہے۔ نیویارک ٹائمز کے ایک سروے کے مطابق عراق کے دو تہائی عوام نے ایسے علاقوں میں مقیم ہیں جہاں گزشتہ ایک ماہ کے دوران انہوں نے کسی نہ کسی صورت میں تشدد آمیز حملے دیکھے ہیں۔

برطانوی فوجیوں نے بیلٹ باکسز العمارہ سے جنوبی اضلاع پہنچانے کے دوران سڑکوں کے کنارے کئی گڑھے دیکھے جو بم دھماکوں سے پیدا ہوئے تھے۔

بی بی سے کے نامہ نگار کرسچن فریزر کا کہنا ہے کہ بیلٹ باکسز لے جانے والے قافلے کے ساتھ ساتھ حفاظتی ہیلی کاپٹر بھی فضا میں منڈلا رہے تھے۔

بغداد کے جنوبی ضلع محمدیہ میں سڑک کے کنارے ایک بم پھٹنے سے تین افراد ہلاک ہوئے ہیں۔

بغداد کے شمالی شہر بعقوبہ میں ایک حملے میں ایک شخص ہلاک اور کئی زخمی ہوئے ہیں۔

گزشتہ ہفتے روزانہ سو حملے ریکارڈ کیے گئے۔