امریکہ کے شمال مشرقی علاقے میں زندگی بری طرح متاثر ہوئی ہے۔ سکول بند کر دیے گئے ہیں، ٹرینیں دیر سے چل رہی اور آئیر پورٹ بند کر دیے گئے ہیں۔

امریکی ریاست میساچوسٹ، رہوڈ آئی لینڈ اور نیو جرسی نے ہنگامی حالت نافذ کردی ہے۔

محکمہ موسمیات کے مطابق انسانی تاریخ میں سب سے شدید برفانی طوفان ہے۔ یہ طوفان اب کینیڈا کی جانب بڑھ رہا ہے۔

اس طوفانی کی وجہ سے بوسٹن کا انٹرنیشنل آئیرپورٹ بند کر دیا گیا اور ہزاوں فلائٹیں منسوخ کر دی گئی ہیں۔

امریکی حکام نے شہریوں کو خبردار کیا ہے کہ وہ گھروں سے باہر نہ نکلیں اور اگر انہوں نے ایسا کیا تو وہ اپنی زندگیوں کو خطرے میں ڈال لیں گے۔

امریکہ کے قومی محکمہ موسمیات نے کہا ہے کہ اس علاقے میں برفباری کے سو سال پرانے ریکارڈ ٹوٹ چکے ہیں۔

اس برفانی طوفان کی وجہ کئی علاقوں میں بجلی کی فراہمی متاثر ہوئی ہے۔۔