 |  سعودی عرب میں شدت پسندوں کی کارروائیاں کافی عرصہ سے جاری ہیں |
سعودی عرب میں پولیس سے ایک جھڑپ میں تین شدت پسند ہلاک ہو گئے ہیں۔ پولیس کے ذرائع کے مطابق شدت پسندوں سے یہ جھڑپ دارالحکومت ریاض کے قریب ہوئی۔ پولیس حکام نے مزید بتایا کے ریاض کے اس علاقے کو گھیرے میں لے لیا گیا ہے۔ سعودی عرب میں پولیس اور سکیورٹی فورسز القاعدہ سے تعلق رکھنے والے اسلامی شدت پسندوں کے خلاف کارروائیوں میں مصروف ہیں اور القاعدہ کے شدت پسند حکومت اور مغربی باشندوں کے خلاف حملے کر رہے ہیں۔ تین ہفتے قبل جدہ میں امریکی ایمبیسی پر حملے میں نو افراد ہلاک ہو گئے تھے۔ | 
یہ صفحہ دوست کو ای میل کیجیئے
پرِنٹ کریں
