عراق کا کہنا ہے کہ قرضوں کی وجہ سے تعمیرِ نو متاثر ہو رہی ہے

واشنگٹن میں ایک تقریب سے خطاب کرتے ہوئے امریکی وزیر خارجہ کولن پاول نے کہا کہ نئے عراق کے قیام کے لئے پرانی حکومت کے پیدا کردہ بوجھ کو ہٹانا بہت ضروری ہے۔

عراق کے وزیرِ خزانہ نے امریکی فیصلے پر اپنا ردِ عمل ظاہر کرتے ہوئے کہا کہ یہ عمل دوسری بار آزادی کے مترادف ہے۔

نامہ نگاروں کا کہنا ہے کہ امریکہ اب ان دوسری اقوام سے آگے بڑھ گیا ہے جنہوں نے عراق کو قرض دے رکھا تھا اور کہا تھا کہ عراق کا اسی فیصد قرض معاف کر دیا جائے گا۔

کولن پاول نے کہا عراق کے خزانے کے وزیر نے اپنے امریکی ہم منصب کے ساتھ محکمۂ خارجہ میں عراق کے قرض معاف کرنے کے ایک معاہدے پر دستخط کیے۔

انہوں نے کہا ’یہ عراقی لوگوں کے لیے ایک بہت بڑی فتح ہے۔ ہم دوسری اقوام پر بھی زور دیتے ہیں کہ وہ عراق پر قرضوں کا بوجھ کم کرنے میں آگے آئیں۔‘

عراق ک ذمے انیس قرض خواہوں کا لگ بھگ چالیس بلین ڈالر کا قرض ہے۔ ان ممالک میں امریکہ کے علاوہ روس، جاپان اور یورپی اقوام شامل ہیں۔

امریکہ کی جانب سے قرضہ معاف ہونے کے باوجود عراق کے ذمے اب بھی اسی بلین ڈالر کا قرض ہے اور عراق قرض خواہوں سے اپیل کر رہا ہے کہ وہ بھی اس کا قرض معاف کر دیں۔