 |  آسیان ممالک آزادنہ تجارت تین سال پہلے شروع کر دیں گے۔ |
جنوبی مشرقی ایشیا کے چھ ممالک نے اعلان کیا ہے کہ وہ علاقے میں آزادانہ تجارت مقررہ وقت سے پہلے کرنا شروع کر دیں گے۔ ملائشیا کے صدر احمد بدوائی نے کہا آسیان ممالک محصولات کو ختم کرنے کی معیاد سے تین سال پہلے ہی محصولات ختم کر دیں گے۔ پہلے والے پروگرام کے مطابق آسیان ممالک نے اپنے ممبران کے لیے محصولات کی وصولی 2010 میں ختم کرنی تھی لیکن اب وہ اس حدف کو 2007 میں ہی حاصل کر لیں گے۔ آسیان میں برونائی، انڈونیشیا، ملائشیا، فلپائن ، سنگاپور اور تھائی لینڈ شامل ہیں۔لاؤس کے دارلحکومت میں ہونے والی کانفرنس میں چین، انڈیا، جاپان، جنوبی کوریا، آسٹریلیا اور نیوزی لینڈ کے نمائندے بھی شرکت کر رہے ہیں۔ آسیان ممبر ممالک کا اندازہ ہے کہ وہ اپنے ملکوں میں ایک دوسرے کی اشیا پر سے پابندی اٹھانے کی وجہ سے چین کی طرف سے بڑھتے ہو تجارتی دباؤ کا سامنا کر پائیں گے۔ لاؤس میں ہونے والی کانفرنس میں دنیا میں آدھی سے زیادہ آبادی کے لوگوں کی نمائندگی کی جا رہی ہے۔
| 
یہ صفحہ دوست کو ای میل کیجیئے
پرِنٹ کریں
