صلاح الدین بی بی سی اردو ڈاٹ کام، دلی

جواہر لال نہرو کی پنچشیل یعنی پانچ نکاتی خارجہ پالیسی ایک بہتر فارمولہ ہے: نٹور سنگھ

نٹور سنگھ نے پنچیشیل سے متعلق ایک سمینار میں اپنے خطاب کے دوران کہا ہے کہ پنچشیل کے اصولوں پر خارجہ پالیسی کا مطلب ہے ،، ایک دوسرے کے احترام کے ساتھ ملک کی سلامتی، دونوں جانب سے غیر جارحانہ پالیسی، ایک دوسرے کے معاملے میں مداخلت سے پرہیز ، برابری پر مبنی آپسی مفاد اور امن کے ساتھ دونوں کا وجود برقرار ر ہے ۔
مسٹر سنگھ نے زور دیکر کہا کہ پاکستان کے ساتھ دوستانہ رشتوں کے قیام کے لۓ ان پانچ نکات سے بہتر طریقہ اور کیاہو سکتاہے۔
انہوں نے کہا کہ انہیں یقین ہے کہ اگر ان اصولوں کے تحت ایک دوسرے کے ساتھ رشتے قائم ہوں تو دونوں ہی کےخدشات جاتےر ہیں گے۔انہوں نے کہا ہے کہ گزشتہ ایک برس سے اعتمادسازی کے لۓ دونوں ممالک کے درمیان کئ سطح پر تبادلہ خیال ہوتا رہا ہے تا کہ رشتوں کو مضبوط شکل میں تبدیل کیا جا سکے لیکن انکے مطابق تشدد اور دہشتگردی کے خاتمے سے ہی اس میں خاطر خواہ مدد ملیگی۔

پنچشیل معاہدہ سابق وزیر اعظم پنڈت جواہر لال نہرو نے 1954 میں چین کے ساتھ کیا تھا جسکا مقصد چین اور ہندوستان کے درمیان رشتوں کو بہتر کرنا تھا۔ دونوں ملک اس پالیسی پر کافی دن تک کام کرتے رہے تھے لیکن 1962 میں دونوں ملکوں کے درمیان جنگ کے سبب یہ معاہدہ ختم ہوگیا تھا۔ پنڈت نہرو نے یہ معاہدہ اس وقت کے پاکستانی وزیر اعظم کو بھی پیش کیا تھا

مسٹر سنگھ کا یہ بیان ایسے وقت میں آیا ہے جب پاکستان کے وزیراعظم شوکت عزیز کے ہندوستان دورے میں صرف ایک ہفتے کا وقت بچا ہے۔بعض ماہرین کا خیال ہے کہ ممکن ہے کہ منموہن سنگھ اور شوکت عزیز کے درمیان اس موضوع پر بھی بات چیت ہو۔