 |  قمرالدین نے خدیجہ سے 45 برس پہلے بھی شادی کی تھی |
ملیشیا کے ایک صاحب نے تریپنویں بار شادی کی ہے اور اس بار وہ لوٹ کر اپنی پہلی بیگم کے ساتھ رشتۂ ازدواج میں دوبارہ منسلک ہو گئے ہیں۔ بہتر برس کے قمرالدین محمد نے ’نیو سٹریٹس ٹائمز‘ نامی اخبار سے گفتگو کرتے ہوئے کہا کہ ’میں کوئی عیاش آدمی نہیں ہوں البتہ مجھے حسین خواتین کو دیکھنے کا انتہا سے زیادہ شوق ہے۔‘ ایک موقع پر صرف دو روز تک شادی کے بندھن میں بندھے رہنے والے قمرالدین کا کہنا ہے کہ ان کی آخری شادی کے علاوہ باقی تمام شادیاں طلاق پر ختم ہوئیں اور اس آخری شادی کا خاتمہ طلاق پر ہونے کی وجہ یہ ہے کہ ان کی آخری بیوی کا انتقال ہو گیا تھا۔ قمرالدین کا کہنا ہے کہ ایک وقت میں اسلام میں ایک سے زائد شادیاں کرنے کی اجازت ہے لیکن وہ اس پر یقین نہیں رکھتے۔ پچھہتر سالہ خدیجہ قمر الدین نے بتایا ہے کہ انہوں نے قمرالدین سے اس شرط پر دوبارہ شادی کی ہے کہ وہ اپنے طور طریقے بدل لیں گے۔ خدیجہ نے بتایا کہ قمرالدین نے ان سے ایک بار پھر زندگی بھر ساتھ نبھانے اور بار بار شادیاں نہ کرنے کا وعدہ کیا ہے۔ | 
یہ صفحہ دوست کو ای میل کیجیئے
پرِنٹ کریں
