القاعدہ چائے پینے سے صحت اچھی رہتی ہے

اس غیر کشیدہ مشروب کو لوگ مختلف ناموں سے پکارتے ہیں ان ناموں میں میں بی باون بمبر، بن لادن ، القاعدہ اور صدام حسین جیسے نام شامل ہیں۔

عزیز مونا کمارا جو مشروب بنانے والی ایک کمپنی کے مالک ہیں، کا کہنا ہے کہ اس مشروب کا نام اس کی لاابالی کیفیت کی وجہ سے پڑا ہے۔

یہ مشروب جب ایک سطح تک ابال لیا جاتا ہے تو اس میں چھوٹے دھماکے ہونے لگتے ہیں اور جب دیگچی کا ڈھکن اٹھایا جائے تو اس میں سے مختلف قسم کی آوازیں آتی ہیں۔

عزیر مونا کمارا کے بقول ابلنے کے بعد آنے والے دھماکوں کی وجہ سے بعض لوگ اس کو بی باون بمبر کے نام اور کچھ اس کو اسامہ بن لادن اور کچھ اس کو القاعدہ کے نام سے تعبیر کرتے ہیں۔

یہ مشروب پہلے بھی اس ملک میں پیا جاتا تھا اس وقت اس کا ایک فرانیسسی نام جس کا لفظی مطلب ’ خزانوں کا سمندر‘ ہے ۔ لیکن اس کا نام تبدیل کرنے اس کے پینے والوں کی تعداد میں بھی اضافہ ہو گیا ہے۔

گنی کے پڑوسی ملک مالی اور سینگال میں لوگ اس مشروب کو’ صدام چائے‘ کے نام سے جانتے ہیں۔

اس مشروب کو تیار کرنے کے لیے آٹھ روز تک ابالا جاتا ہے۔ یہ مقامی جڑی بوٹی ہینکالبا چائے کے بیس پڑیوں، چینی اور شہد کا مرکب ہوتا ہے۔

عزیزکمارا کے مطابق اٹھ دن تک ابالنے کے بعد یہ مشروب پینے کے قابل ہو جاتا ہے اور یہ قوت باہ سے لیے بھی انتہائی مفید ہے ۔

اس القاعدہ مشروب کو تواتر کے ساتھ پینے والا ڈجبریل فوفانہ اپنے آپ کو صدام حسین کہلانا پسند کرتا ہے ۔

ہوٹل میں بیٹھے ڈجبریل فوفانہ المعروف صدام حسین کے مطابق وہ روزانہ القاعدہ چائے کے دو لیڑ ہوٹل میں پیتا ہے اور اس کے تین لیٹر گھر بھی لے جاتا ہے۔

القاعدہ مشروب کے بارے میں مختلف آراء گردش کر رہی ہیں۔ کچھ لوگ اسے داوائی سمجھ کر بھی پیتے ہیں۔

القاعدہ چائے پینے والےایک شخص نے بتایا کہ اس کو قبض کی شکایت رہتی تھی اور جب سے اس نے القاعدہ چائے پینی شروع کی اس کو قبض کی شکایت ختم ہو گئی ہے۔

ایک اور شخص نے بتایا کہ وہ القاعدہ چائے پینے کے بعد اپنے آپ کو ہلکا پھلکا محسوس کرتے ہیں۔