 |  چلابی امریکی وزارت دفاع کے منظور نظر رہے ہیں |
عراقی نیشنل کانگرس کے رہنما احمد چلابی نے کہا ہے کہ عراق میں ان پر قاتلانہ حملہ ہوا ہے جس میں ان کے دو محافظ ہلاک ہو گئے ہیں۔ احمد چلابی نے کہا کہ نجف سے بغداد جاتے ہوئے ان پر حملہ ہوا۔ ماضی میں امریکہ کے منظور نظر احمد چلابی نے کہا کہ نجف سے بغداد جاتے ہوئے ایک گاڑی نے ان کا پیچھا کرنا شروع کر دیا اور تھوڑی دور جانے کے بعد ان پر فائرنگ شروع کر دی۔ بغداد کے انتہائی حساس علاقے جہاں پر عراقی کی عبوری پارلیمان کا اجلاس ہونے والے ہے ایک مارٹر حملہ ہوا ہے۔ اس سو رکنی عبوری پارلیمان کے ارکان ’گرین زون‘ میں واقع ایک ہال میں ہونے والے چار روزہ اجلاس میں شرکت کر رہے ہیں۔ عبوری پارلیمان کے ارکان کو عراق کے صدر ، دو نائب صدور اور دیگر حکام کا انتخاب کرنا ہے۔ بغداد کے جنوب میں گاڑیوں کے قافلے جس میں احمد چلابی سفر کر رہے تھے نامعلوم حملہ مسلح افراد نے حملہ کر کے احمد چلابی کے دو محافظوں کو ہلاک کر دیا ہے۔ احمد چلابی کے ایک ترجمان نے کہا کہ اس حملہ میں احمد چلابی بچ گئے ہیں تاہم ان کے دو ذاتی محافظ ہلاک ہو گئے ہیں۔ احمد چلابی گزشتہ ماہ ایران کا دورہ کر کے بغداد لوٹے ہیں۔ | 
یہ صفحہ دوست کو ای میل کیجیئے
پرِنٹ کریں
