نبیل امر کی عمر سینتالیس سال ہے

نیبل امر فلسطینی رکن پارلیمان ہیں اور ماضی میں اطلاعات کے وزیر رہ چکے ہیں۔ منگل کو جب وہ گھر لوٹ رہے تھے تو ان کے دائیں پیر میں دو گولیاں لگیں۔

نیبل امر فلسطینی انتظامیہ میں اصلاحات کا مطالبہ کرتے رہے ہیں۔

ڈاکٹروں نے کہا ہے کہ ان کے زخم سنگین نہیں ہیں۔ ان پر ایک ایسے وقت حملہ کیا گیا ہے جب غزہ کی پٹی میں لاقانونیت میں اضافہ ہوا ہے اور فلسطینی سیکیورٹی کے نظام میں اصلاحات کا مطالبہ کیا جارہا ہے۔

فوری طور پر یہ معلوم نہیں ہوسکا کہ ان پر حملہ کرنے والے کون تھے۔ لیکن ماضی میں ان کی رہائش گاہ پر فائرنگ کے واقعات پیش آتے رہے ہیں۔

نبیل امر کی عمر سینتالیس سال ہے، انہوں نے یاسر عرفات کی انتظامیہ میں کرپشن کے الزامات کی نشاندہی کی ہے۔

ایک سال قبل جب انہوں نے یاسر عرفات کی قیادت کو تنقید کا نشانہ بنایا تھا تو ان کی رہائش گاہ پر فائرنگ کی گئی۔