آدم خور چیتوں نے صرف اس ماہ کے دوران بارہ افراد کو ہلاک کیا

بتایا جاتا ہے کہ ان تین چیتوں نے صرف پچھلے مہینے بارہ افراد کو ہلاک کیا تھا جب کہ گزشتہ سال سے اب تک ان کا نشانہ بننے والوں کی تعداد اس تعداد کا تین گنا تھی۔

انسانوں پر ان چیتوں کے حملوں کے بعد حیوانوں کے لیے مخصوص کیے گئے اس ’سنجے گاندھی نیشنل پارک‘ کے نواح میں رہنے والوں میں شدید خوف و ہراس پایا جاتا تھا۔

حکام کا کہنا ہے کہ چیتوں کے ان حملوں کی وجہ انہیں حاصل ہونے والی خوراک میں کمی اور پارک میں ان کے رہائش کے لیے مخصوص جگہ تھی۔

مذکورہ پارک ایک سو مربع کلو میٹر پر پھیلا ہوا ہے۔ اسے ماحول کے اعتبار سے حیوانوں کے لیے ایک جنت تصور کیا جاتا ہے اور ایک اندازے کے مطابق اس میں تیس چیتے ہیں۔

محکمہ جنگلات کے حکام کا کہنا ہے کہ پارک میں دو لاکھ افراد نے غیر قانونی طور پر رہائش اختار کر لی ہے اور کچھ لوگ اس حصے میں بھی رہتے ہیں جو چیتوں کے لیے مخصوص ہے۔ اس کے علاوہ دس لاکھ کے لگ بھگ افراد پارک کے ارد گرد کے علاقوں میں رہتے ہیں۔

ماہرین کا کہنا ہے کہ چیتے آدم خور نہیں ہیں اور انہوں نے انسانوں پر رات کے اندھیرے میں شکار سمجھ کر حملہ کیا ہے۔

حکام نے فیصلہ کیا ہے کہ پارک میں پانچ سو سوروں کو چھوڑا جائے گا تا کہ چیتے خوراک کی کمی کی وجہ سے پارک سے بار نکل کر خوراک تلاش نہ کریں۔